പൌരോഹിത്യം സഹനത്തിലേക്കുള്ള വിളിയാണെന്നും ക്രിസ്തുവിണ്റ്റെ രക്ഷാകരമായ സഹനജീവിതത്തില്‍ പങ്കുചേരേണ്ടവരാണു പുരോഹിതരെന്നും സീറോ മലബാര്‍ സഭ മേജര്‍ ആര്‍ച്ച്ബിഷപ്‌ കര്‍ദിനാള്‍ മാര്‍ വര്‍ക്കി വിതയത്തില്‍. സീറോ മലബാര്‍ സഭ സിനഡിണ്റ്റെ കീഴിലുള്ള ക്ളര്‍ജി കമ്മീഷണ്റ്റെ നേതൃത്വത്തില്‍ കാക്കനാട്‌ മൌണ്ട്‌ സെണ്റ്റ്‌ തോമസില്‍ നടന്ന ജൂബിലേറിയന്‍ വൈദികസംഗമം ഉദ്ഘാടനം ചെയ്യുകയായിരുന്നു അദ്ദേഹം. മനുഷ്യവംശത്തിനു വേണ്ടി സഹനങ്ങള്‍ ഏറ്റെടുത്ത ക്രിസ്തുവിനേപ്പോലെ ദൈവരാജ്യസൃഷ്ടിക്കായി സഹനങ്ങള്‍ സ്വീകരിക്കാന്‍ നമുക്കാവണം. ഏതു സാഹചര്യത്തിലും ക്രിസ്തുവിശ്വാസം മുറുകെപ്പിടിക്കാന്‍ നാം പ്രതിജ്ഞാബദ്ധരാണ്‌. പൌരോഹിത്യത്തിണ്റ്റെ ജൂബിലി കൃതജ്ഞതയുടെ സമയമാണ്‌. അളവില്ലാത്ത ദൈവാനുഗ്രഹത്തിണ്റ്റെ നിറവാണു പൌരോഹിത്യത്തിണ്റ്റെ രജത, സുവര്‍ണ ജൂബിലി ആഘോഷിക്കുന്ന വൈദികരിലൂടെ സഭ ദര്‍ശിക്കുന്നത്‌. -കര്‍ദിനാള്‍ പറഞ്ഞു. ക്ളര്‍ജി കമ്മീഷന്‍ ചെയര്‍മാന്‍ ബിഷപ്‌ മാര്‍ തോമസ്‌ ചക്യത്ത്‌ അധ്യക്ഷത വഹിച്ചു. പൌരോഹിത്യത്തിണ്റ്റെ രജത, സുവര്‍ണ ജൂബിലി ആഘോഷിക്കുന്ന സഭയിലെ വൈദികര്‍ക്കു ചടങ്ങില്‍ കര്‍ദിനാള്‍ ഉപഹാരങ്ങള്‍ വിതരണം ചെയ്തു. ജൂബിലി ആഘോഷിക്കുന്ന ബിഷപ്‌ മാര്‍ ജെയിംസ്‌ പഴയാറ്റിലിനാണ്‌ ആദ്യത്തെ ഉപഹാരം നല്‍കിയത്‌. കമ്മീഷന്‍ സെക്രട്ടറി റവ. ഡോ. ജിമ്മി പൂച്ചക്കാട്ട്‌ പ്രസംഗിച്ചു. സമൂഹബലിയില്‍ ബിഷപ്‌ മാര്‍ ജെയിംസ്‌ പഴയാറ്റില്‍ മുഖ്യകാര്‍മികത്വം വഹിച്ചു. ഉച്ചയ്ക്കുശേഷം ജൂബിലേറിയന്‍മാര്‍ പൌരോഹിത്യ ജീവിതത്തിണ്റ്റെ അനുഭവങ്ങള്‍ പങ്കുവച്ചതു ശ്രദ്ധേയമായി. ബിഷപ്‌ മാര്‍ ചക്യത്ത്‌ സമാപന സന്ദേശം നല്‍കി. സീറോ മലബാര്‍ സഭയിലെ വിവിധ രൂപതകളില്‍നിന്നു പൌരോഹിത്യത്തിണ്റ്റെ 25, 50 വര്‍ഷങ്ങള്‍ പൂര്‍ത്തിയാക്കിയ വൈദികര്‍ പരിപാടിയില്‍ പങ്കെടുത്തു.
Friday, November 19, 2010
ആര്‍ച്ച്ബിഷപ്‌ ഡോ.എം. സൂസപാക്യം കെആര്‍എല്‍സിബിസി പ്രസിഡണ്റ്റ്‌
കേരള റീജണ്‍ ലാറ്റിന്‍ കാത്തലിക്‌ ബിഷപ്സ്‌ കൌണ്‍സിലിണ്റ്റെയും (കെആര്‍എല്‍സിബിസി) കേരള റീജിയണ്‍ ലാറ്റിന്‍ കാത്തലിക്‌ കൌണ്‍സിലിണ്റ്റെയും (കെആര്‍എല്‍സിസി) പ്രസിഡണ്റ്റായി ആര്‍ച്ച്ബിഷപ്‌ ഡോ.എം.സൂസപാക്യത്തെ വീണ്ടും തെരഞ്ഞെടുത്തു. വരാപ്പുഴ ആര്‍ച്ച്ബിഷപ്സ്‌ ഹൌസില്‍ നടന്ന കെആര്‍എല്‍സിബിസി വാര്‍ഷിക സമ്മേളനമാണ്‌ ആര്‍ച്ച്ബിഷപ്‌ സൂസപാക്യത്തെ വീണ്ടും പ്രസിഡണ്റ്റായി തെരഞ്ഞെടുത്തത്‌. വരാപ്പുഴ ആര്‍ച്ച്ബിഷപ്‌ ഡോ. ഫ്രാന്‍സിസ്‌ കല്ലറക്കലാണു പുതിയ വൈസ്‌ പ്രസിഡണ്റ്റ്‌. സെക്രട്ടറിയായി കൊച്ചി ബിഷപ്‌ ഡോ. ജോസഫ്‌ കരിയിലിനെയും തെരഞ്ഞെടുത്തിട്ടുണ്ട്‌. വിവിധ കമ്മീഷനുകളുടെ ചെയര്‍മാന്‍മാരായി ബിഷപ്‌ ഡോ. ജോസഫ്‌ കളത്തിപറമ്പില്‍ (ലിറ്റര്‍ജി കമ്മീഷന്‍), ബിഷപ്‌ ഡോ.സ്റ്റാന്‍ലി റോമന്‍ (വിദ്യാഭ്യാസം), ബിഷപ്‌ ഡോ. സെബാസ്റ്റ്യന്‍ തെക്കെത്തെച്ചേരില്‍ (അല്‍മായ കമ്മീഷന്‍), ബിഷപ്‌ ഡോ. വര്‍ഗീസ്‌ ചക്കാലക്കല്‍ (വൈദിക-സന്യസ്ത കമ്മീഷന്‍), ബിഷപ്‌ ഡോ. ജോസഫ്‌ കാരിക്കശേരി (ഫാമിലി കമ്മീഷന്‍), ആര്‍ച്ച്ബിഷപ്‌ ഡോ. ഫ്രാന്‍സിസ്‌ കല്ലറക്കല്‍ (മീഡിയ കമ്മീഷന്‍), ബിഷപ്‌ ഡോ. സെല്‍വിസ്റ്റര്‍ പൊന്നുമുത്തന്‍ (ഇവാഞ്ചലൈസേഷന്‍ ആന്‍ഡ്‌ എക്യുമെനിസം), ബിഷപ്‌ ഡോ. സ്റ്റീഫന്‍ അത്തിപ്പൊഴിയില്‍ (തീരദേശ വികസനം), ബിഷപ്‌ ഡോ. ജോസഫ്‌ കരിയില്‍ (മതബോധന കമ്മീഷന്‍) എന്നിവരെ തെരഞ്ഞെടുത്തു. സഭയുടെ കീഴിലുള്ള സെമിനാരികളുടെ ചുമതല ആര്‍ച്ച്ബിഷപ്‌ സൂസപാക്യം, ആര്‍ച്ച്ബിഷപ്‌ ്ഫ്രാന്‍സിസ്‌ കല്ലറക്കല്‍, ബിഷപ്‌ സ്റ്റാന്‍ലി റോമന്‍ എന്നിവര്‍ക്കു നല്‍കി. പുതിയതായി രൂപീകരിച്ച യൂത്ത്‌ കമ്മീഷണ്റ്റെ ചെയര്‍മാനായി ബിഷപ്‌ ഡോ. വിന്‍സെണ്റ്റ്‌ സാമുവലിനെയും സാമൂഹ്യ സേവന വിഭാഗം ചെയര്‍മാനായി ബിഷപ്‌ ഡോ. സെബാസ്റ്റ്യന്‍ തെക്കെത്തെച്ചേരിയേയും നിയമിച്ചു. മൂന്നു വര്‍ഷത്തേക്കാണു പുതിയ ഭാരവാഹികളെ തെരഞ്ഞെടുത്തിട്ടുള്ളത്‌.ഡിസംബര്‍ അഞ്ചു കേരളത്തിലെ ലത്തീന്‍ രൂപതകളില്‍ സമുദായദിനമായി ആചരിക്കാനും മെത്രാന്‍ സമിതി തീരുമാനിച്ചു. എന്‍ഡോസള്‍ഫാന്‍ നിരോധിക്കണമെന്നും യോഗം ആവശ്യപ്പെട്ടു. യോഗത്തില്‍ പ്രസിഡണ്റ്റ്‌ ആര്‍ച്ച്ബിഷപ്‌ ഡോ. സൂസപാക്യം അധ്യക്ഷനായിരുന്നു.
Thursday, November 18, 2010
യുവാക്കള്‍ പ്രബുദ്ധരാകണം: ആര്‍ച്ച്‌ ബിഷപ്‌ ഡോ. സൂസപാക്യം
വിശ്വാസത്തിണ്റ്റെ ചുവടുപിടിച്ച്‌ യുവാക്കള്‍ പ്രബുദ്ധ രാകണമെന്ന്‌ ആര്‍ച്ച്‌ ബിഷപ്പ്‌ ഡോ. സൂസാപാക്യം ആഹ്വാനം ചെയ്തു. സമന്വയ വിഷന്‍ മിഷന്‍ റിസര്‍ച്ച്‌ ഇന്‍സ്റ്റിറ്റ്യൂട്ടിണ്റ്റെ നേതൃ ത്വത്തില്‍ മാറനല്ലൂരില്‍ സംഘടിപ്പിച്ച യൂത്ത്‌ എക്സ്പോ- 2010 ണ്റ്റെ സമാപനത്തോടനുബന്ധിച്ച്‌ ചേര്‍ന്ന സമ്മേളനം ഉദ്ഘാടനം ചെയ്ത്‌ പ്രസംഗിക്കുകയായിരുന്നു അദ്ദേഹം. മാറ്റത്തിണ്റ്റെ കൊടുങ്കാറ്റായി നവസമൂഹത്തെ മാറ്റി മറിക്കുന്ന ശാസ്ത്രം സത്യത്തിലേയ്ക്കുള്ള മാര്‍ഗമാണ്‌. എന്നാല്‍ ശാസ്ത്രം സത്യമാണെന്ന മിഥ്യാധാരണ യ്ക്കു പിന്നില്‍ ദൈവത്തെ മറക്കുന്ന കാലഘട്ടത്തിലാണ്‌ നാം ജീവിക്കുന്നത്‌. ഈ അവസ്ഥയിലാണ്‌ അശാന്തിയുടെയും അസമാധാനത്തിണ്റ്റെയും ഇരുള്‍ പരക്കുന്നത്‌. വിശ്വാസാടിസ്ഥാനത്തിണ്റ്റെ അഭാവമാണ്‌ യുവാക്കളുടെ തകര്‍ച്ചയ്ക്കു മൂലാധാരം. ദൈവം കൂടെയുള്ള അനുഭവമാണ്‌ സമൂഹത്തിണ്റ്റെ കേന്ദ്രമെന്നും ആര്‍ച്ച്‌ ബിഷപ്പ്‌ ഓര്‍മിപ്പിച്ചു. നെയ്യാറ്റിന്‍കര രൂപത വികാരി ജനറാള്‍ മോണ്‍. ജി. ക്രിസ്തു ദാസ്‌ അധ്യക്ഷനായിരുന്നു. റവ. ഡോ. വിന്‍സെണ്റ്റ്‌ കെ. പീറ്റര്‍ ആമുഖപ്രഭാഷണവും കെ. മുരളീധരന്‍ എക്സ്‌ എം.പി മുഖ്യ സന്ദേശവും നല്‍കി. എന്‍. ശക്തന്‍ എംഎല്‍എ, സുരേഷ്‌ കുമാര്‍, ഉദയകുമാര്‍, എരുത്താവൂറ്‍ ചന്ദ്രന്‍, മലയിന്‍കീഴ്‌ വേണു ഗോപാല്‍, ശാന്താ പ്രഭാകരന്‍, ബിന്ദു, കുമാര്‍, റവ. സിസ്റ്റര്‍ വെറോനിക്ക പള്ളിയില്‍, ബ്രദര്‍ സതീഷ്‌ എന്നിവര്‍ പ്രസംഗിച്ചു. യൂത്ത്‌ എക്സ്പോയുടെ ഭാഗമായി നേരത്തെ നടന്ന പാനല്‍ ചര്‍ച്ചയില്‍ തിരുവനന്ത പുരം അതിരൂപത എപ്പി സ്കോപ്പല്‍ മോണ്‍. ടി. നിക്കോളാസ്‌ മോഡറേറ്ററായിരുന്നു. അഡ്വ. വിജയകുമാര്‍, റോബിന്‍സണ്‍, നെത്സണ്‍, ടി.എം. ബീന എന്നിവര്‍ പ്രസംഗിച്ചു. കുടുംബം യുവത്വപൂര്‍ണതയ്ക്ക്‌ എന്ന വിഷയം ആസ്പദ മാക്കി ചര്‍ച്ച നടന്നു. തിരുവനന്തപുരം അതിരൂപത ശുശ്രൂഷാ കോര്‍ഡിനേറ്റര്‍ ഫാ. റൂഫസ്‌ പയസ്ളീന്‍ മോഡറേറ്ററായിരുന്നു. ഫാ. ഷാജ്കുമാര്‍, അഡ്വ. വിജയകുമാര്‍ അവണാകുഴി, എസ്‌.ബി ചിത്ര, ജോസ്‌ ലാല്‍, ഹരീഷ്‌ കീഴാറൂറ്‍, ഇഗ്നേഷ്യസ്‌ എന്നിവര്‍ പങ്കെടുത്തു. ദൈവസ്നേഹത്തിണ്റ്റെ കേന്ദ്രമായ ക്രിസ്തുവില്‍ നിന്ന്‌ യുവചൈതന്യം ഉള്‍ക്കൊണ്ട്‌ സര്‍വരോടും പ്രതിബദ്ധത കാട്ടാനുള്ള കാലഘട്ടമാണ്‌ യുവത്വമെന്നും സാധാരണക്കാ രോടും രോഗികളോടും ദുഃഖിതരോടും പ്രതിബദ്ധതയുള്ളവരായി തീരുവാനുള്ള ഏക മാര്‍ഗം ക്രിസ്തു നല്‍കിയ മാനവശുശ്രൂഷയാണെന്നും അതിണ്റ്റെ മാനസികതലത്തെ സ്വാധീനിക്കുന്ന സ്നേഹവും പ്രതിബദ്ധതയും ആദ്യ പടികളാകണമെന്നും സിംപോസിയം വ്യക്തമാക്കി.
മതാധ്യാപകര്‍ സ്നേഹത്തിണ്റ്റെ പ്രവാചകരാവണം: മാര്‍ സെബാസ്റ്റ്യന്‍ എടയന്ത്രത്ത്‌
മതാധ്യാപകര്‍ സ്നേഹത്തിണ്റ്റെ പ്രവാചകരായി മാറേണ്ടവരാണെന്ന്‌ എറണാകുളം-അങ്കമാലി അതിരൂപതാ സഹായമെത്രാന്‍ മാര്‍ സെബാസ്റ്റ്യന്‍ എടയന്ത്രത്ത്‌ ആഹ്വാനം ചെയ്തു. അതിരൂപത മതബോധനകേന്ദ്രം തയാറാക്കിയ എയ്ഞ്ചത്സ്‌ ഡാന്‍സ്‌ എന്ന ആക്ഷന്‍ സോംഗ്‌ സിഡിയുടെ പ്രകാശനം കലൂറ്‍ റിന്യൂവല്‍ സെണ്റ്ററില്‍ നിര്‍വഹിക്കുകയായിരുന്നു അദ്ദേഹം. ുട്ടികള്‍ക്ക്‌ അറിവിനൊപ്പം ധാര്‍മിക മൂല്യങ്ങള്‍ പകര്‍ന്നുകൊടുക്കാന്‍ അധ്യാപകര്‍ക്കു കടമയുണ്ട്‌. മാനുഷിക മൂല്യങ്ങള്‍ വേണ്ടവിധത്തില്‍ സ്വീകരിക്കാന്‍ കുട്ടികള്‍ക്ക്‌ അവസരം ലഭിക്കാത്ത സാഹചര്യം നിലനില്‍ക്കുന്നുണ്ട്‌. ഇവിടെ മതാധ്യാപകര്‍ മാനുഷിക മൂല്യങ്ങളും നന്‍മയും സ്നേഹവും പകര്‍ന്നുകൊടുക്കുന്നവരാവണം. വീടുകളിലും സ്കൂളിലും സ്നേഹം ലഭിക്കാത്ത കുട്ടികള്‍ക്ക്‌ ആവോളം സ്നേഹം നല്‍കുന്നവരാവണം മതാധ്യാപകരെന്നും മാര്‍ എടയന്ത്രത്ത്‌ ഓര്‍മിപ്പിച്ചു. എളമക്കര പള്ളിയിലെ പ്രധാന അധ്യാപിക ലൈസമ്മ ജോര്‍ജിനു നല്‍കിയാണ്‌ 108 ആക്ഷന്‍ സോംഗുകള്‍ ഉള്‍പ്പെടുത്തി തയാറാക്കിയ സിഡി ബിഷപ്‌ പ്രകാശനം ചെയ്തത്‌. വിവിധ മതബോധനയൂണിറ്റുകളിലെ പ്രധാന അധ്യാപകരുടെ യോഗം അതിരൂപതാ മതബോധന ഡയറക്ടര്‍ റവ. ഡോ. ജിമ്മി പൂച്ചക്കാട്ട്‌ ഉദ്ഘാടനം ചെയ്തു. അസിസ്റ്റണ്റ്റ്‌ ഡയറക്ടര്‍ ഫാ. ജോമോന്‍ ശങ്കുരിക്കല്‍, കുറ്റിപ്പുഴ പള്ളിയിലെ പ്രധാന അധ്യാപകന്‍ കെ.ഡി ജോസ്‌ എന്നിവര്‍ പ്രസംഗിച്ചു. ഉച്ചയ്ക്കു ശേഷം മതബോധന ജനറല്‍ കൌണ്‍സില്‍ യോഗം നടന്നു.
Wednesday, November 17, 2010
എന്‍ഡോസല്‍ഫാന്‍; സമ്പൂര്‍ണ നിരോധനം വൈകരുത്‌: മാര്‍ ജോസ്‌ പൊരുന്നേടം
എന്‍ഡോസല്‍ഫാണ്റ്റെ വിനിയോഗം രാജ്യത്ത്‌ പൂര്‍ണമായി നിരോധിക്കാന്‍ കേന്ദ്രസര്‍ക്കാര്‍ തയാറാകണമെന്ന്‌ മാനന്തവാടി രൂപത ബിഷപ്‌ മാര്‍ ജോസ്‌ പെരുന്നേടം. കാസര്‍ ഗോഡും കേരളത്തിണ്റ്റെ ഇതര പ്രദേശങ്ങളിലും ഈ കീടനാശിനി മനുഷ്യ ജീവനു നല്‍കിയ നിരവധി ദുരിതങ്ങളുടെ നേര്‍ക്കാഴ്ച പത്രമാധ്യമങ്ങളിലൂടെ ലോകം ദര്‍ശിക്കുകയാണ്‌. ആയിരക്കണക്കിന്‌ ജനങ്ങളുടെ ദുരിതാനുഭവങ്ങള്‍ നമുക്ക്‌ മുന്നിലുള്ളപ്പോള്‍ ഇനിയുമൊരു ശാസ്ത്രീയ പഠന റിപ്പോര്‍ട്ടിനായി ഭരണകൂടം കാത്തിരിക്കരുത്‌. അറുപതിലേറെ ലോകരാഷ്ട്രങ്ങള്‍ നിരോധിച്ച എന്‍ഡോസള്‍ഫാന്‍ കോര്‍പ്പറേറ്റ്‌ വ്യവസായികളുടെ താത്പര്യം സംരക്ഷിക്കാനായി ഇന്ത്യയില്‍ വിറ്റഴിക്കുന്നത്‌ ജനങ്ങളോടുള്ള വെല്ലുവിളിയും കടുത്ത ക്രൂരതയുമാണ്‌. മാരകമായ കീടനാശിനികളുടെ ഉപയോഗം കാര്‍ഷിക മേഖലകളില്‍ വ്യാപകമായിരിക്കുന്നു. ജില്ലയിലെ ചില കിണറുകളിലെ ജലത്തിലും എന്‍ഡോസള്‍ഫാണ്റ്റെ അംശങ്ങള്‍ കണെ്ടത്തിയത്‌ സംസ്ഥാന-കേന്ദ്ര സര്‍ക്കാരുകള്‍ ഗൌരവമായെടുക്കണം. ജനങ്ങളുടെ ആരോഗ്യത്തിനും സുസ്ഥിതിക്കും ഹാനികരമായിട്ടുള്ള വളപ്രയോഗങ്ങളും കീടനാശിനികളും പരാമവധി കുറയ്ക്കണം. ജൈവവളങ്ങളും, ജൈവകീടനാശിനികളും പ്രചരിപ്പിക്കാന്‍ കൃഷി മന്ത്രാലയവും കാര്‍ഷിക രംഗത്തെ ശാസ്ത്രജ്ഞന്‍മാരും മുന്‍ കൈ എടുക്കണം. കേരളത്തില്‍ കൃഷിയിടങ്ങളിലെ കീടനാശിനി പ്രയോഗങ്ങള്‍ കൃഷി വകുപ്പിണ്റ്റെ നേരിട്ടുള്ള നിയന്ത്രണത്തില്‍ കൊണ്ടുവരികയും വേണമെന്നും ബിഷപ്‌ ആവശ്യപ്പെട്ടു. കാസര്‍ഗോഡ്‌ ജില്ലയെ ദുരിത ബാധിത പ്രദേശമായി പ്രഖ്യാപിക്കുകയും, ദുരിതമനുഭവിക്കുന്ന മുഴുവന്‍ ജനങ്ങളുടെയും സമ്പൂര്‍ണ സംരക്ഷണ ചുമതല സര്‍ക്കാര്‍ ഏറ്റെടുക്കണമെന്നും ബിഷപ്‌ ആവശ്യപ്പെട്ടു.
Subscribe to:
Posts (Atom)
