സീറോ മലബാർ സഭ അൽമായ കമ്മീഷന്റെ ആഭിമുഖ്യത്തിലുള്ള വിമൻസ്‌ ഫോറത്തിന്റെ ദ്വിദിന നേതൃക്യാമ്പ്‌ സമാപിച്ചു. കലൂർ റിന്യൂവൽ സെന്ററിൽ നടന്ന ക്യാമ്പിന്റെ സമാപനസമ്മേളനം ഇടുക്കി രൂപതാധ്യക്ഷൻ മാർ മാത്യു ആനിക്കുഴിക്കാട്ടിൽ ഉദ്ഘാടനം ചെയ്തു. മക്കളുടെ ആത്മീയ വളർച്ചയ്ക്ക്‌ മാതാപിതാക്കൾ പ്രാധാന്യം നൽകണമെന്ന്‌ അദ്ദേഹം ഉദ്ഘാടനപ്രസംഗത്തിൽ സൂചിപ്പിച്ചു. മക്കളുടെ ഭൗതികവളർച്ചയെ മാത്രം മാതാപിതാക്കൾ ലക്ഷ്യമാക്കുമ്പോൾ ആത്മീയത നഷ്ടപ്പെട്ട്‌ ഒടുവിൽ മക്കളെത്തന്നെ നഷ്ടമാകുന്ന അവസ്ഥ നമ്മുടെ ചുറ്റിലുമുണ്ട്‌. ദൈവികസാന്നിധ്യം നിറഞ്ഞുനിൽക്കുമ്പോൾ കുടുംബങ്ങൾ പ്രശോഭിക്കും. പൂർവികർ പകർന്നേകിയ പാരമ്പര്യവും പൈതൃകവും കാത്തുസൂക്ഷിക്കണമെന്നും അദ്ദേഹം കൂട്ടിച്ചേർത്തു
Tuesday, July 12, 2011
സഭാമുന്നേറ്റത്തിൽ സ്ത്രീകളുടെ പങ്ക്‌ വിലപ്പെട്ടത്‌: മാർ ആലഞ്ചേരി
സഭയുടെ മുന്നേറ്റത്തിൽ സ്ത്രീകളുടെയും സ്ത്രീ സംഘടനകളുടെയും പങ്ക്‌ വിലപ്പെട്ടതാണെന്നു സീറോ മലബാർ സഭാ മേജർ ആർച്ച്ബിഷപ്‌ മാർ ജോർജ്ജ്‌ ആലഞ്ചേരി. സീറോ മലബാർ സഭ അൽമായ കമ്മീഷന്റെ ആഭിമുഖ്യത്തിൽ വനിതാ ഫോറം കോ-ഓർഡിനേഷൻ കമ്മിറ്റിയംഗങ്ങളുടെ ദ്വിദിന നേതൃസമ്മേളനം കലൂർ റിന്യൂവൽ സെന്ററിൽ ഉദ്ഘാടനം ചെയ്യുകയായിരുന്നു അദ്ദേഹം. സ്ത്രീസംഘടനകൾക്കിടയിൽ കൂട്ടായ്മയും കൂടിയാലോചനകളും ഇനിയും വർധിപ്പിക്കണം. രാഷ്ട്രീയത്തിലും സഭാ സമിതികളിലും സ്ത്രീകളുടെ പങ്കാളിത്തം ഉറപ്പാക്കണം- മാർ ആലഞ്ചേരി ഓർമിപ്പിച്ചു. അൽമായ കമ്മീഷൻ ചെയർമാൻ ബിഷപ്‌ മാർ മാത്യു അറയ്ക്കൽ അധ്യക്ഷത വഹിച്ചു.
പ്രാർഥനാജീവിതം കുട്ടികളുടെ സമ്പത്താകണം: മാർ ജോസഫ്‌ പെരുന്തോട്ടം
പ്രാർഥനാജീവിതം കുട്ടികളുടെ ഏറ്റവും വലിയ സമ്പത്താകണമെന്ന്‌ ആർച്ച്‌ ബിഷപ്‌ മാർ ജോസഫ്‌ പെരുന്തോട്ടം. തുരുത്തി സെന്റ്‌ മേരീസ്‌ പാരിഷ്‌ ഹാളിൽ ചങ്ങനാശേരി മേഖലാ മിഷൻലീഗ്‌ പ്രവർത്തനവർഷം ഉദ്ഘാടനം നിർവഹിച്ചു പ്രസംഗിക്കുകയായിരുന്നു ആർച്ച്ബിഷപ്‌. വികാരി ഫാ. ഏബ്രഹാം കാടാത്തുകളം അധ്യക്ഷത വഹിച്ചു.
അത്മായർ ധാർമിക മൂല്യങ്ങൾ ഉയർത്തി സാമൂഹ്യ തിന്മകൾക്കെതിരെ പോരാടണമെന്ന്‌ ആർച്ച്‌ ബിഷപ്‌ മാർ ജോസഫ്‌ പെരുന്തോട്ടം. മാതൃജ്യോതിസ്‌- പിതൃവേദി തൃക്കൊടിത്താനം ഫൊറോനാ സമിതിയുടെ ആഭിമുഖ്യത്തിൽ സംഘടിപ്പിച്ച അത്മായ വർഷാചരണം ഉദ്ഘാടനം ചെയ്യുകയായിരുന്നു ആർച്ച്‌ ബിഷപ്‌. ഫെറോന വികാരി ഫാ. സെബാസ്റ്റ്യൻ കാളാശേരി അധ്യക്ഷത വഹിച്ചു. ഫൊറോനയിലെ 13 ഇടവകകളിൽ നിന്നുളള ആദ്യകുർബാന സ്വീകരിച്ച കുട്ടികളും മാതാപിതാക്കളും സമ്മേളനത്തിൽ പങ്കെടുത്തു.
Subscribe to:
Posts (Atom)
