കേരളത്തിലെ ഉന്നതവിദ്യാഭ്യാസരംഗത്തെ മുഴുവന്‍ പ്രത്യയശാസ്ത്രക്കാരുടെയും സര്‍ക്കാരിണ്റ്റെയും സര്‍വാധിപത്യത്തിനു കീഴിലാക്കി ഞെരുക്കാനുള്ള ആസൂത്രിതവും വ്യാപകവുമായ ശ്രമമാണ്‌ ഉന്നതവിദ്യാഭ്യാസമിതിയുടെ നയരേഖയില്‍ കാണാന്‍ കഴിയുന്നതെന്ന്‌ ഇണ്റ്റര്‍ചര്‍ച്ച്‌ കൌണ്‍സില്‍ ഫോര്‍ എഡ്യൂക്കേഷന്‍ ചെയര്‍മാന്‍ ആര്‍ച്ച്ബിഷപ്‌ മാര്‍ ജോസഫ്‌ പവ്വത്തില്‍. ഇന്ത്യയുടെ മഹത്തായ ജനാധിപത്യഭരണഘടനയെയും കേരളത്തിലെ ഉന്നതവിദ്യാഭ്യാസ ചരിത്രത്തേയും വിദ്യാഭ്യാസ സ്ഥാപനങ്ങളെയും വികലമായി ചിത്രീകരിക്കുന്ന നയരേഖ അതിനു രൂപം നല്‍കിയവരുടെ പ്രത്യയശാസ്ത്രതിമിരമാണു വെളിപ്പെടുത്തുന്നത്‌. ഭാഷാ-മതന്യൂനപക്ഷങ്ങളുടെ നിലനില്‍പ്പിനും സംരക്ഷണത്തിനുമായി ഭരണഘടന ഉറപ്പുതരുന്നതാണ്‌ അവരുടെ വിദ്യാഭ്യാസ അവകാശം. അതിനെ സാമൂഹ്യമായി പിന്നോക്കം നില്‍ക്കുന്നവര്‍ക്കുള്ള നല്‍കുന്ന സംവരണത്തിനു തുല്യമായി വ്യാഖ്യാനിച്ച്‌ അനുകൂലവിവേചനമായി ചിത്രീകരിക്കുന്നു. ഇവിടത്തെ ഭാഷാ മതന്യൂനപക്ഷങ്ങള്‍ക്ക്‌ കൂടുതല്‍ സ്ഥാപനങ്ങളുള്ളതുകൊണ്ട്‌ വിദ്യാഭ്യാസ അവകാശം വിപരീത വിവേചനമാണെന്ന്‌ ആക്ഷേപിക്കുന്നതായി കാണാം. കേരളത്തില്‍ ഏറ്റവും ഗുണമേന്‍മയുള്ള ഉന്നതവിദ്യാഭ്യാസം ഏറ്റവും പാവപ്പെട്ടവര്‍ക്കും ലഭ്യമാക്കുന്നത്‌ പ്രൈവറ്റ്‌ എയ്ഡഡ്‌ കോളജുകളാണ്‌. ഈ കോളജുകളെ അധിക്ഷേപിച്ചും സാമൂഹ്യനിയന്ത്രണമെന്ന പേരില്‍ കൈയേറിയും ഉന്നതവിദ്യാഭ്യാസരംഗംതന്നെ താറുമാറാക്കാനുള്ള ശ്രമമാണ്‌ നയരേഖയില്‍ കാണാന്‍ കഴിയുന്നത്‌. ഈ നീക്കത്തെ എല്ലാവരോടും ചേര്‍ന്ന്‌ എതിര്‍ക്കുകതന്നെ ചെയ്യും. ഓരോവര്‍ഷവും കോടിക്കണക്കിനു രൂപ പൊതുഖജനാവില്‍നിന്നും ചെലവിടുന്ന സര്‍ക്കാര്‍ കോളജുകളിലെ വിദ്യാഭ്യാസം മോശമാണെന്നു വിലയിരുത്തുന്ന രേഖ എന്തുകൊണ്ട്‌ ഈ നിലവാരത്തകര്‍ച്ച എന്നു പരിശോധിക്കുന്നില്ല, എന്നാല്‍, സര്‍ക്കാര്‍ കോളജുകളില്‍ ചെലവിടുന്നതിനേക്കാള്‍ തുലോം തുച്ഛമായ തുകമാത്രം ലഭ്യമാകുന്ന പ്രൈവറ്റ്‌ എയ്ഡഡ്‌ കോളജുകള്‍ ഉന്നതനിലവാരമുള്ള വിദ്യാഭ്യാസം നല്‍കുകയും ചെയ്യുന്നു. ഈ സ്ഥാപനങ്ങളിലെയും വിദ്യാഭ്യാസം തകര്‍ക്കാനുള്ള തന്ത്രങ്ങള്‍ മെനയുകയാണ്‌ ഉന്നത വിദ്യാഭ്യാസസമിതി. കോളജുകളുടെ ക്ളസ്റ്ററുകള്‍ക്ക്‌ രൂപം നല്‍കി അനധികൃത ദേശസാത്കരണമാണ്‌ നിര്‍ദേശങ്ങളില്‍ കാണാന്‍ കഴിയുന്നത്‌. ഉന്നതവിദ്യാഭ്യാസ സ്ഥാപനങ്ങളുടെ വളര്‍ച്ചയെ സഹായിക്കുന്ന ഇപ്പോഴുള്ള അല്‍പമാത്രമായ സ്വാതന്ത്യ്രം പോലും കോളജുകളില്‍ ഇല്ലാതാക്കാനാണ്‌ നയരേഖ നിര്‍ദേശിക്കുന്നത്‌. വിദ്യാഭ്യാസരംഗത്തെ സ്വാതന്ത്യ്രം ഉയര്‍ത്തിപ്പിടിച്ച രാഷ്ട്രപതിയായിരുന്ന ഡോ. രാധാകൃഷ്ണണ്റ്റെ നിലപാടിനെ തള്ളിക്കളയുകയാണ്‌ ഇതിലൂടെ ചെയ്യുന്നത്‌. അധ്യാപക നിയമനത്തില്‍ കടന്നുകയറി ന്യൂനപക്ഷാവകാശം കവര്‍ന്നെടുക്കാനുള്ള ശ്രമം അനുവദിക്കുകയില്ല.
Wednesday, November 17, 2010
Tuesday, November 16, 2010
വിവരാവകാശ നിയമം ജനാധിപത്യം ഉറപ്പാക്കും:മാര്‍ ആന്‍ഡ്രൂസ്‌ താഴത്ത്‌
സുതാര്യ ജനാധിപത്യം ഉറപ്പാക്കുന്നതിന്‌ വിവരാവകാശ നിയമം ഏറെ സഹായിക്കുമെന്ന്‌ ആര്‍്ച്ച്ബിഷപ്‌ മാര്‍ ആന്‍ഡ്രൂസ്‌ താഴത്ത്‌ പറഞ്ഞു. വിവരാവകാശ നിയമം-സ്വാതന്ത്യ്രത്തിണ്റ്റെ കാല്‍പ്പാടുകള്‍ എന്ന പുസ്തകത്തിണ്റ്റെ പ്രകാശനം നിര്‍വഹിച്ച്‌ പ്രസംഗിക്കുകയായിരുന്നു ആര്‍ച്ച്ബിഷപ്‌. പുസ്തകത്തിണ്റ്റെ പ്രകാശനം ബൈജു ഇമ്മാനുവലിന്‌ നല്‍കി ആര്‍ച്ച്ബിഷപ്‌ നിര്‍വഹിച്ചു. അതിരൂപത സിഎല്‍സി ഹാളില്‍ നടന്ന ചടങ്ങില്‍ സഹായമെത്രാന്‍ മാര്‍ റാഫേല്‍ തട്ടില്‍, ചാന്‍സലര്‍ ഫാ. റാഫേല്‍ ആക്കമറ്റത്തില്‍, അഡ്വ. ബിജു കുണ്ടുകുളം എന്നിവര്‍ പ്രസംഗിച്ചു.
ദൈവാത്മാവ്‌ പുനര്‍സൃഷ്ടി നടത്തുന്നു: മാര്‍ ജോസഫ്‌ കല്ലറങ്ങാട്ട്‌
ദൈവത്തിണ്റ്റെ ആത്മാവ്‌ പ്രവര്‍ത്തിക്കുന്നിടത്ത്‌ ക്രമവും പുനര്‍സൃഷ്ടിയും നടക്കുന്നുവെന്ന്‌ മാര്‍ ജോസഫ്‌ കല്ലറങ്ങാട്ട്‌. ഭരണങ്ങാനം വിശുദ്ധ അല്‍ഫോന്‍സാ നഗര്‍ ബൈബിള്‍ കണ്‍വന്‍ഷന്‌ ഒരുക്കമായി നടന്ന സന്യാസിനി കൂട്ടായ്മ ഉദ്ഘാടനം ചെയ്യുകയായിരുന്നു ബിഷപ്‌. ദൈവം സൃഷ്ടിച്ച ലോകത്തിണ്റ്റെ ക്രമം നാം കാത്തുസൂക്ഷിക്കുകയും നമ്മില്‍ ഓരോരുത്തരിലുമുള്ള തിന്‍മയുടെ ശക്തിയെ ദൈവാത്മാവിനാല്‍ കീഴ്പ്പെടുത്തുകയും ഒരു പുതിയ സൃഷ്ടിയായി നാം ഓരോരുത്തരും മാറുകയും ചെയ്യണമെന്നു മാര്‍ കല്ലറങ്ങാട്ട്‌ പറഞ്ഞു. അട്ടപ്പാടി സെഹിയാന്‍ ധ്യാനകേന്ദ്രത്തിലെ ഫാ. സന്തോഷ്‌ കൂട്ടായ്മയ്ക്കു നേതൃത്വം നല്‍കി. രൂപത പാസ്റ്ററല്‍ കോ-ഓര്‍ഡിനേറ്റര്‍ റവ. ഡോ. ജോസഫ്‌ കുഴിഞ്ഞാലില്‍, ഫാ. ജോസഫ്‌ ശ്രാമ്പിക്കല്‍, ഫാ. വിന്‍സെണ്റ്റ്‌ മൂങ്ങാമാക്കല്‍, സിസ്റ്റര്‍ ബന്നറ്റ്‌, സിസ്റ്റര്‍ ജോസ്മി, ഇ.എം. ദേവസ്യ ഈരൂരിക്കല്‍, തങ്കച്ചന്‍ ശ്രാമ്പിക്കല്‍ എന്നിവര്‍ പ്രസംഗിച്ചു.
Monday, November 15, 2010
മൂല്യാധിഷ്ഠിത വികസനത്തിന്‌ മുന്‍കൈയെടുക്കണം: ഡോ. ഫ്രാന്‍സിസ്‌ കല്ലറയ്ക്കല്‍
കോട്ടപ്പുറം രൂപത അല്‍മായ സമിതി, കെഎല്‍സിഎ, കെസിവൈഎം എന്നിവയുടെ നേതൃത്വത്തില്‍ ജനപ്രതിനിധികള്‍ക്ക്‌ സ്വീകരണം നല്‍കി. കോട്ടപ്പുറം വികാസില്‍ ചേര്‍ന്ന സമ്മേളനം ആര്‍ച്ച്ബിഷപ്‌ ഡോ. ഫ്രാന്‍സിസ്‌ കല്ലറയ്ക്കല്‍ ഉദ്ഘാടനം ചെയ്തു. ക്രൈസ്തവ മൂല്യങ്ങളില്‍നിന്നും വ്യതിചലിക്കാതെ പാവങ്ങളോട്‌ പക്ഷംചേര്‍ന്ന്‌ പ്രവര്‍ത്തിക്കേണ്ടവരാണ്‌ ജനപ്രതിനിധികളെന്ന്‌ അദ്ദേഹം ഓര്‍മിപ്പിച്ചു. വികസന മുന്നേറ്റത്തില്‍ ഏറ്റവും താഴെക്കിടയിലുള്ള സാധാരണക്കാരെ മറന്നുള്ള വികസനം ശരിയല്ലെന്നും ജനപ്രതിനിധികള്‍ മൂല്യാധിഷ്ഠിത വികസനത്തിനായി മുന്‍കൈയെടുക്കണമെന്നും ആര്‍ച്ച്ബിഷപ്‌ കൂട്ടിച്ചേര്‍ത്തു. ജനപ്രതിനിധികള്‍ക്ക്‌ മെമണ്റ്റോകള്‍ നല്‍കി ആദരിച്ചു. സിബിസിഐ യൂത്ത്‌ അവാര്‍ഡ്‌ ജേതാവ്‌ ശില്‍പ ജോണ്‍സനെയും ആദരിച്ചു. പി.ജെ. തോമസ്‌ അധ്യക്ഷത വഹിച്ചു. ജെ.ബി. രാജന്‍, ഡോ. നിക്്സണ്‍ കാട്ടാശേരി, ജെയിംസ്‌ തിയ്യടി, ഫാ. ജോസ്‌ കുര്യാപ്പിള്ളി, പി.എഫ്‌. ലോറന്‍സ്‌ എന്നിവര്‍ ആശംസകള്‍ നേര്‍ന്നു. ജനപ്രതിനിധികള്‍ക്കുള്ള ഉപഹാരവിതരണം മോണ്‍. സെബാസ്റ്റ്യന്‍ കുന്നത്തൂറ്‍ നിര്‍വഹിച്ചു. ജനപ്രതിനിധികളുടെ മറുപടിപ്രസംഗം അല്‍ഫോന്‍സ ഗോതുരുത്ത്‌, പ്രസീല ബാബു വള്ളിപ്പുറം, ഒ.സി. ജോസഫ്‌ കൊടുങ്ങല്ലൂറ്‍ എന്നിവര്‍ നടത്തി. ഇ.ഡി. ഫ്രാന്‍സിസ്‌ സ്വാഗതവും ടി.ജി. ബാബു നന്ദിയും പറഞ്ഞു.
കെസിബിസി മാധ്യമ കമ്മീഷന്‍ അഖില കേരള നാടകമേളയുടെ അവാര്‍ഡുകള്‍ സമ്മാനിച്ചു
കെസിബിസി മാധ്യമ കമ്മീഷന്‍ സംഘടിപ്പിച്ച 24-ാമത്‌ അഖില കേരള പ്രഫഷണല്‍ നാടകമേളയുടെ അവാര്‍ഡുകള്‍ വിതരണം ചെയ്തു. ഇന്നലെ പാലാരിവട്ടം പിഒസിയില്‍ നടന്ന 44 -ാമത്‌ ലോക സമ്പര്‍ക്ക ദിനാഘോഷവും നാടകമേള അവാര്‍ഡ്‌ ദാനചടങ്ങും കെസിബിസി മാധ്യമ കമ്മീഷന്‍ ചെയര്‍മാനും എറണാകുളം-അങ്കമാലി അതിരൂപത സഹായമെത്രാനുമായ മാര്‍ തോമസ്‌ ചക്യത്ത്‌ ഉദ്ഘാടനം ചെയ്തു. പുതിയ മാധ്യമലോകത്തെ കുറിച്ച്‌ നാം പഠിക്കേണ്ടത്‌ അത്യാവശ്യമാണെന്ന്‌ ഉദ്ഘാടന പ്രസംഗത്തില്‍ മാര്‍ തോമസ്‌ ചക്യത്ത്‌ പറഞ്ഞു. ആധുനിക ലോകത്തെ പുതിയ സമ്പര്‍ക്ക മാധ്യമങ്ങളെ കുറിച്ച്‌ പഠിക്കാനുള്ള ഉത്തരവാദിത്വം വൈദികര്‍ക്ക്‌ മാത്രമല്ല, മെത്രാന്‍മാരും പഠിച്ചെടുക്കണം. കൂടുതല്‍ പഠനങ്ങള്‍ നടത്താനുള്ള വേദിയായി പുതിയ മാധ്യമങ്ങളെ ഉപയോഗപ്പെടുത്തണമെന്നും അദ്ദേഹം പറഞ്ഞു. മനുഷ്യനെ നന്‍മയിലേക്ക്‌ നയിക്കുന്ന ഒന്നാണ്‌ കലാരൂപങ്ങളെന്ന്‌ ചടങ്ങില്‍ അധ്യക്ഷനായിരുന്ന കെസിബിസി ഡപ്യൂട്ടി സെക്രട്ടറി റവ. ഡോ. സ്റ്റീഫന്‍ ആലത്തറ പറഞ്ഞു. കേരളത്തില്‍ നാടകരംഗത്ത്‌ കാര്യമായ മാറ്റങ്ങളുണ്ടാക്കാന്‍ കെസിബിസി നാടകമേളിയിലൂടെ സാധിച്ചിട്ടുണ്ട്‌. മൂല്യമുള്ളതും മനുഷ്യരെ നന്‍മയിലേക്ക്‌ നയിക്കുന്ന നാടകങ്ങള്‍ക്ക്‌ രൂപം കൊടുക്കാന്‍ നാടകമേളയ്ക്കായിട്ടുണെ്ടന്നും അദ്ദേഹം പറഞ്ഞു. ബിഷപ്‌ മാര്‍ തോമസ്‌ ചക്യത്ത്‌ അവാര്‍ഡുകള്‍ വിതരണം ചെയ്തു. നാടകമേളയില്‍ അവതരിപ്പിച്ച നാടകങ്ങളെക്കുറിച്ച്‌ ഷേര്‍ളി സോമസുന്ദരം അവലോകനം നടത്തി. കെസിബിസി മീഡിയ കമ്മീഷന്‍ സെക്രട്ടറി ഫാ. ജോസഫ്‌ നിക്കോളാസ്‌ സ്വാഗതവും പിഒസി അസിസ്റ്റണ്റ്റ്‌ ഡയറക്ടര്‍ റവ. ഡോ. ജോര്‍ജ്‌ കുരുക്കൂറ്‍ നന്ദിയും പറഞ്ഞു.
മികച്ച നാടകത്തിനുള്ള അവാര്‍ഡ്്‌ പാലാ കമ്യൂണിക്കേഷന്‍സിണ്റ്റെ മധുരം ഈ ജീവിതം എന്ന നാടകത്തിനും, മികച്ച രണ്ടാമത്തെ നാടകത്തിനുള്ള അവാര്‍ഡ്‌ ഓച്ചിറ നാടകരംഗത്തിണ്റ്റെ അമ്മ വാത്സല്യത്തിനും ലഭിച്ചു. ചെറുന്നിയൂറ്‍ ജയപ്രസാദ്‌ (മികച്ച രചന, ഇവിടെ അശോകനും ജീവിച്ചിരുന്നു, തിരുവനന്തപുരം സാഹിതി തിയേറ്റേഴ്സ്‌), പ്രദീപ്‌ റോയ്‌ (മികച്ച സംവിധായകന്‍, ഭൂമിയിലെ നക്ഷത്രങ്ങള്‍, കാഞ്ഞിരപ്പിള്ളി അമല കമ്യൂണിക്കേഷന്‍സ്‌), ആലപ്പി വിവേകാനന്ദന്‍ (മികച്ച സംഗീത സംവിധായകന്‍), സി.എസ്‌ വേണു (മികച്ച നടന്‍, ഇവിടെ അശോകനും ജീവിച്ചിരുന്നു), അനിത സി. നായര്‍ (മികച്ച നടി, മധുരം ഈ ജീവിതം), അതിരുങ്കല്‍ സുഭാഷ്‌ (മികച്ച സഹനടന്‍, പഞ്ചനക്ഷത്ര സ്വപ്നം, കൊല്ലം അസീസി ആര്‍ട്സ്‌ ക്ളബ്‌), വത്സ രവി (മികച്ച സഹനടി, ഭൂമിയിലെ നക്ഷത്രങ്ങള്‍) എന്നിവര്‍ അവാര്‍ഡുകള്‍ ഏറ്റുവാങ്ങി. തുടര്‍ന്ന്‌ മികച്ച നാടകമായി തെരഞ്ഞെടുക്കപ്പെട്ട മധുരം ഈ ജീവിതം അരങ്ങേറി.
Subscribe to:
Posts (Atom)
