ദൈവവചന സാക്ഷാത്കാരത്തിന്റെ വേദികളാണ്‌ കലകളെന്ന്‌ ബിഷപ്‌ പഴയാറ്റില്‍

ദൈവവചന സാക്ഷാത്കാരത്തിന്റെ വേദികളാണ്‌ കലകളെന്ന്‌ ബിഷപ്‌ മാര്‍ ജെയിംസ്‌ പഴയാറ്റില്‍. വിദ്യാജ്യോതിയില്‍ മതബോധന വിദ്യാര്‍ഥികള്‍ക്കായി സംഘടിപ്പിച്ച മത്സരങ്ങളുടെ സമ്മാനദാനം നിര്‍വഹിച്ച്‌ പ്രസംഗിക്കുകയായിരുന്നു ബിഷപ്‌. ദൈവവിശ്വാസം പ്രകടിപ്പിക്കുന്നതിനുള്ള വേദികളാണ്‌ കലാരൂപങ്ങള്‍. മത്സരങ്ങളിലൂടെ ഇവ പ്രോത്സാഹിപ്പിക്കേണ്ടതും പരിപോഷിപ്പിക്കേണ്ടതും ഇന്നത്തെ കാലഘട്ടത്തിന്റെ ആവശ്യമാണ്‌. ദൈവവചനത്തെ കൂടുതല്‍ അടുത്തറിയുവാനും സ്നേഹിക്കുവാനും വിദ്യാര്‍ഥികളില്‍ കലാമത്സരങ്ങള്‍ ഏറെ പ്രചോദനമായിട്ടുണെ്ടന്ന്‌ ബിഷപ്‌ കൂട്ടിച്ചേര്‍ത്തു.