സഭകളുടെ ഐക്യം കാലഘട്ടത്തിന്‌ അനിവാര്യം: മാര്‍ യൂലിയോസ്‌

നിലവിലുള്ള രാഷ്ട്രീയ സാമൂഹ്യ പശ്ചാത്തലത്തില്‍ ക്രൈസ്തവ സഭകളുടെ ഐക്യം അനിവാര്യമായി മാറിയിരിക്കുകയാണെന്ന്‌ മൂവാറ്റുപുഴ രൂപതാധ്യക്ഷന്‍ ഡോ.ഏബ്രഹാം മാര്‍ യൂലിയോസ്‌ മെത്രാപ്പോലീത്ത. ചുങ്കപ്പാറ ക്രിസ്തുരാജ സ്കൂള്‍ ഗ്രൗണ്ടില്‍ ഐക്യ ക്രിസ്തീയ കണ്‍വന്‍ഷന്‍ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.രാഷ്ട്രീയക്കാരിലും, മാധ്യമങ്ങളിലും ഒരു വിഭാഗം ക്രൈസ്തവ സമൂഹത്തെ തുടര്‍ച്ചയായി വേട്ടയാടുകയും, യാഥാര്‍ഥ്യങ്ങളെ മറച്ചു പിടിക്കുകയും ചെയ്യുന്നു. ഐക്യത്തോടെ പ്രശ്നങ്ങളെ സമീപിക്കുകയാണു വേണ്ടതെന്നും ഡോ.ഏബ്രഹാം മാര്‍ യൂലിയോസ്‌ മെത്രാപ്പോലീത്ത പറഞ്ഞു.