സ്നേഹം മനുഷ്യരെ വിശുദ്ധരാക്കും: ഡോ. വര്‍ഗീസ്‌ ചക്കാലയ്ക്കല്‍

സ്നേഹമാണു മനുഷ്യരെ വിശുദ്ധിയിലേക്കു നയിക്കുന്നതെന്ന്‌ കണ്ണൂര്‍ രൂപതാ ബിഷപ്‌ ഡോ. വര്‍ഗീസ്‌ ചക്കാലയ്ക്കല്‍. വിശുദ്ധ അല്‍ഫോന്‍സാമ്മയും വാഴ്ത്തപ്പെട്ട മദര്‍തെരേസയും ഇതിന്റെ ഉദാഹരണങ്ങളാണെന്നും ബിഷപ്‌ പറഞ്ഞു. മൂന്നാംപീടിക സെന്റ്‌ ആന്റണീസ്‌ തീര്‍ഥാടനകേന്ദ്രത്തില്‍ പ്രധാന തിരുനാള്‍ ദിവസമായ ഇന്നലെ കുര്‍ബാനയര്‍പ്പിച്ച്‌ സന്ദേശം നല്‍കുകയായിരുന്നു അദ്ദേഹം.ക്ഷമിക്കാനും എളിമപ്പെടാനും ശുശ്രൂഷിക്കാനും സ്നേഹം നമ്മെ പരിശീലിപ്പിക്കുന്നു. കുടുംബത്തെയും സമൂഹത്തേയും രാജ്യത്തെയും രക്ഷിക്കാന്‍ സ്നേഹത്തിലൂടെ സാധിക്കുമെന്നും ബിഷപ്‌ ചൂണ്ടിക്കാട്ടി.