വിദ്യാലയങ്ങള്‍ സമഗ്ര ജീവിതവീക്ഷണം നല്‍കണം: മാര്‍ പവ്വത്തില്‍

സമഗ്രമായ ജീവിതവീക്ഷണം നല്‍കുന്നവയാകണം വിദ്യാലയങ്ങളെന്ന്‌ ആര്‍ ച്ച്ബിഷപ്‌ മാര്‍ ജോസഫ്‌ പവ്വത്തില്‍. ഒരു സമ്പ്രദായത്തില്‍ മാത്രമുള്ള വിദ്യാലയങ്ങള്‍ സമഗ്രാധിപത്യത്തിനു മാത്രമേ വഴിതെളിക്കുകയുള്ളൂ. സമഗ്രമായ വിദ്യാഭ്യാസം ഇതില്‍നിന്നും വ്യത്യസ്തമാണ്‌. നെടുങ്കുന്നം സെന്റ്‌ തെരേസാസ്‌ ഗേള്‍സ്‌ ഹൈസ്കൂള്‍ നവതിയാഘോഷം ഉദ്ഘാടനം ചെയ്യുകയായിരുന്നു അദ്ദേഹം. അച്ചടക്ക നടപടിക്ക്‌ വിധേയനായി പുറത്താക്കപ്പെട്ട അധ്യാപകനെ തിരിച്ചെടുക്കുവാന്‍ സര്‍വകലാശാലകള്‍ പ്രമേയം പാസാക്കുന്നതും മനോഭാവത്തോടെ കലാലയങ്ങളുടെ അംഗീകാരം റദ്ദാക്കാന്‍ ശ്രമിക്കുന്നതും ഖേദകരമാണ്‌. വിഭാഗീയത വളര്‍ത്തുന്നു എന്ന വ്യാജ ആരോപണം ഉയര്‍ത്തി സ്വകാര്യ വിദ്യാഭ്യാസ ഏജന്‍സികളുടെ പ്രവര്‍ത്തനങ്ങളെ എതിര്‍ക്കുന്നവരെ തിരിച്ചറിയണമെന്നും മാര്‍ പവ്വത്തില്‍ കൂട്ടിച്ചേര്‍ത്തു.