ദൈവത്തിണ്റ്റെ സ്നേഹം ജീവിതത്തില്‍ പകര്‍ത്തണം:മാര്‍ ജോസഫ്‌ പെരുന്തോട്ടം

മനുഷ്യനെ സ്നേഹിക്കുന്ന ദൈവത്തിണ്റ്റെ പ്രത്യക്ഷീകരണം അനുഭവിച്ച്‌ ആ സ്നേഹം ജീവിതത്തില്‍ പകര്‍ത്താന്‍ കഴിയണമെന്ന്‌ മാര്‍ ജോസഫ്‌ പെരുന്തോട്ടം. ചേപ്പുംപാറ മര്‍ത്ത്മറിയം പള്ളിയില്‍ പുതുതായി സ്ഥാപിച്ച കല്‍ക്കുരിശിണ്റ്റെ കൂദാശ നിര്‍വഹിച്ച്‌ പ്രസംഗിക്കുകയായിരുന്നു ആര്‍ച്ച്ബിഷപ്‌. ദനഹാത്തിരുനാളിന്‌ മുന്നോടിയായി നടത്തിയ റംശാ പ്രാര്‍ഥനയ്ക്കും മെഴുകുതിരി പ്രദക്ഷിണത്തിനും മെത്രാപ്പോലീത്ത കാര്‍മികത്വം വഹിച്ചു. ഇടവകയിലെ പത്തു കുടുംബക്കൂട്ടായ്മകള്‍ ഒരുക്കിയ പിണ്ടിസ്തംഭങ്ങളിലേക്ക്‌ ദീപം പകര്‍ന്നുകൊടുത്തുകൊണ്ട്‌ ലോകരക്ഷകനായ ഈശോയുടെ പ്രകാശം സമൂഹത്തില്‍ പരത്തുന്ന പിണ്ടികുത്തി തിരുനാളിനും ആര്‍ച്ച്ബിഷപ്‌ തുടക്കംകുറിച്ചു. തിരുക്കര്‍മങ്ങള്‍ക്ക്‌ വികാരി ഫാ.മാത്യു തെക്കേടത്ത്‌ സഹകാര്‍മികനായിരുന്നു.