മക്കളുടെ ആത്മീയ വളർച്ചയ്ക്ക്‌ മാതാപിതാക്കൾ പ്രാധാന്യം നൽകണം: മാർ ആനിക്കുഴിക്കാട്ടിൽ

സീറോ മലബാർ സഭ അൽമായ കമ്മീഷന്റെ ആഭിമുഖ്യത്തിലുള്ള വിമൻസ്‌ ഫോറത്തിന്റെ ദ്വിദിന നേതൃക്യാമ്പ്‌ സമാപിച്ചു. കലൂർ റിന്യൂവൽ സെന്ററിൽ നടന്ന ക്യാമ്പിന്റെ സമാപനസമ്മേളനം ഇടുക്കി രൂപതാധ്യക്ഷൻ മാർ മാത്യു ആനിക്കുഴിക്കാട്ടിൽ ഉദ്ഘാടനം ചെയ്തു. മക്കളുടെ ആത്മീയ വളർച്ചയ്ക്ക്‌ മാതാപിതാക്കൾ പ്രാധാന്യം നൽകണമെന്ന്‌ അദ്ദേഹം ഉദ്ഘാടനപ്രസംഗത്തിൽ സൂചിപ്പിച്ചു. മക്കളുടെ ഭൗതികവളർച്ചയെ മാത്രം മാതാപിതാക്കൾ ലക്ഷ്യമാക്കുമ്പോൾ ആത്മീയത നഷ്ടപ്പെട്ട്‌ ഒടുവിൽ മക്കളെത്തന്നെ നഷ്ടമാകുന്ന അവസ്ഥ നമ്മുടെ ചുറ്റിലുമുണ്ട്‌. ദൈവികസാന്നിധ്യം നിറഞ്ഞുനിൽക്കുമ്പോൾ കുടുംബങ്ങൾ പ്രശോഭിക്കും. പൂർവികർ പകർന്നേകിയ പാരമ്പര്യവും പൈതൃകവും കാത്തുസൂക്ഷിക്കണമെന്നും അദ്ദേഹം കൂട്ടിച്ചേർത്തു