കാലഘട്ടത്തിനാവശ്യം പ്രതീക്ഷയുടെ പുളിമാവ്‌: മാർ സെബാസ്റ്റ്യൻ എടയന്ത്രത്ത്‌

ആധുനിക കാലഘട്ടത്തിനാവശ്യം പ്രതീക്ഷയുടെ പുളിമാവാണെന്നും നിരാശയല്ലെന്നും മാർ സെബാസ്റ്റ്യൻ എടയന്ത്രത്ത്‌. വിശുദ്ധ അൽഫോൻസാ തീർഥാടന കേന്ദ്രത്തിൽ വിശുദ്ധ കുർബാനയർപ്പിച്ചു സന്ദേശം നൽകുകയായിരുന്നു ബിഷപ്.ജീവിതംനൽകുന്നതെല്ലാം സന്തോഷത്തോടെ സ്വീകരിക്കാനുള്ള ആത്മ ധൈര്യമാണുണ്ടാകേണ്ടത്‌. ക്രിസ്തുവിനൊടൊത്തു ജീവിക്കുന്നവർക്ക്‌ അതു ലഭിക്കും. വിശുദ്ധരുടെ കബറിടങ്ങൾ സന്ദർശിക്കുകയും മധ്യസ്ഥത തേടുകയും ചെയ്യുമ്പോൾ ഈ ആത്മധൈര്യത്തിനായാവണം ആഗ്രഹിക്കേണ്ടത്‌, കാര്യസാധ്യത്തിനുവേണ്ടിയാവരുത്‌- ബിഷപ്‌ പറഞ്ഞു.