തലമുറകൾക്കു വിശ്വാസപൈതൃകം പകരാൻ ക്രൈസ്തവനു കടമ: മാർ ജോസഫ്‌ പെരുന്തോട്ടം

പൂർവ പിതാക്കന്മാർ പകർന്നുനൽകിയ വിശ്വാസപൈതൃകം തലമുറകൾക്കു കൈമാറാൻ വിശ്വാസി സമൂഹത്തിന്‌ കടമയുണ്ടെന്ന്‌ ആർച്ച്ബിഷപ്‌ മാർ ജോസഫ്‌ പെരുന്തോട്ടം. 1887ൽ നിർമിച്ച സെന്റ്‌ മേരീസ്‌ മെത്രാപ്പോലീത്തൻ പള്ളിയുടെ ശതോത്തര രജതജൂബിലി ആഘോഷങ്ങളുടെ ഉദ്ഘാടനം നിർവഹിച്ചു പ്രസംഗിക്കുകയായിരുന്നു ആർച്ച്ബിഷപ്‌. പാപത്തിന്റെ അടിമത്തത്തിൽനിന്നും നാം സ്വാതന്ത്ര്യം നേടണമെന്നു പ്രേഷിതപ്രവർത്തനം ക്രൈസ്തവൻ മുഖമുദ്രയാക്കണമെന്നും ആർച്ച്ബിഷപ്‌ ഉദ്ബോധിപ്പിച്ചു. സൺഡേ സ്കൂൾ മുഖ്യ അധ്യാപകർക്ക്‌ തിരികൾ തെളിച്ചു നൽകി പ്രേഷിതവർഷാചരണത്തിന്റെ ഉദ്ഘാടനവും ആർച്ച്ബിഷപ്‌ നിർവഹിച്ചു.