മദര്‍ തെരേസയുടെ സന്ദേശം നാം ഉള്‍ക്കൊള്ളണം: ഡോ.സ്റ്റാന്‍ലി റോമന്‍

ഭൂമിയില്‍ ദുഃഖിതരും പീഡിതരുമായ അനേകരുടെ മുഖത്ത്‌ ദൈവത്തിന്റെ മുഖം കണെ്ടത്താനാവണമെന്ന മദര്‍ തെരേസയുടെ സന്ദേശം നാം ഉള്‍ക്കൊള്ളണമെന്ന്‌ ബിഷപ്‌ ഡോ.സ്റ്റാന്‍ലി റോമന്‍.കൊട്ടിയം മെയിലക്കാട്‌ മദര്‍ തെരേസയുടെ ആദ്യ കുരിശടി ആശീര്‍വദിച്ച്‌ തുറന്നുകൊടുത്തശേഷം നടന്ന സര്‍വമത സമ്മേളനം ഉദ്ഘാടനം ചെയ്തു പ്രസംഗിക്കുകയായിരുന്നു ബിഷപ്‌.ഓരോ വ്യക്തിയിലും ഓരോ പ്രവര്‍ത്തിയിലും യേശുവിനെ കാണാനാവണമെന്നും മദര്‍ തെരേസയുടെ സഹനവും ലളിത ജീവിതവും ത്യാഗമനോഭാവവും യേശുവിന്റെ നന്മയുടെ വഴിയില്‍ നിന്ന്‌ സ്വീകരിച്ചതാണെന്നും ബിഷപ്‌ പറഞ്ഞു.