ആഡംബരവും സ്വാര്‍ഥതയും വിശ്വാസജീവിതത്തെ പ്രതിസന്ധിയിലേക്കു നയിക്കും: മാര്‍ പവ്വത്തില്‍

ആഡംബരഭ്രമവും സ്വാര്‍ഥതയും വിശ്വാസ ജീവിതത്തെ പ്രതിസന്ധിയിലേക്കു നയിക്കുമെന്നു ബിഷപ്‌ മാര്‍ ജോസഫ്‌ പവ്വത്തില്‍. മനയ്ക്കച്ചിറ സെന്റ്‌ ജോസഫ്‌ പള്ളിയില്‍ തിരുനാളിനോടനുബന്ധിച്ചു നടത്തപ്പെട്ട കണ്‍വന്‍ഷനില്‍ പ്രഭാഷണം നടത്തുകയായിരുന്നു അദ്ദേഹം. ആസക്തി വര്‍ധിക്കുന്നിടത്തു വിശ്വാസം ക്ഷയിക്കും. ദൈവവിശ്വാസം നഷ്ടപ്പെടുകയാണെങ്കില്‍ കുടുംബജീവിതത്തിലെ ധാര്‍മിക മാനദണ്ഡങ്ങള്‍ നഷ്ടപ്പെടും. കുടുംബ ജീവിതത്തിലെ ഭദ്രത ഉറയ്ക്കണമെങ്കില്‍ വിശ്വാസം ഉറയ്ക്കണമെന്നു മാര്‍ പവ്വത്തില്‍ പറഞ്ഞു.