വിശ്വാസജീവിതത്തിലധിഷ്ഠിതമാകണം യുവജനപ്രവര്‍ത്തനങ്ങള്‍: മാര്‍ പുന്നക്കോട്ടില്‍

അധാര്‍മികതയുടെ ലോകത്തില്‍ വിശ്വാസത്തിന്റെ തിരിനാളം തെളിയിക്കാനും സമൂഹത്തില്‍ നന്മയുടെ വക്താക്കളാകാനും യുവജനങ്ങള്‍ മുന്നിട്ടിറങ്ങണമെന്ന്‌ കെ.സി.ബി.സി. ബൈബിള്‍ കമ്മീഷന്‍ ചെയര്‍മാന്‍ മാര്‍. ജോര്‍ജ്‌ പുന്നക്കോട്ടില്‍ ആഹ്വാനം ചെയ്തു. കെസി.വൈ.എം. ന്റെ 31-ാ‍മത്‌ സംസ്ഥാന അര്‍ധവാര്‍ഷിക സെനറ്റ്‌ ഉദ്ഘാടനം ചെയ്ത്‌ സംസാരിക്കുകയായിരുന്നു അദ്ദേഹം. മൂവാറ്റുപുഴ ജീവജ്യോതി പാസ്റ്ററല്‍ സെന്ററില്‍ ചേര്‍ന്ന സെനറ്റ്‌ യോഗത്തില്‍ കോതമംഗലം ബിഷപ്പ്‌ മാര്‍. ജോര്‍ജ്‌ പുന്നക്കോട്ടില്‍ തിരിതെളിച്ച്‌ സെനറ്റിന്‌ തുടക്കം കുറിച്ചു. സംസ്ഥാന പ്രസിഡന്റ്‌ ജോസഫ്‌ തോമസ്‌ അധ്യക്ഷത വഹിച്ചു. സംസ്ഥാന ഡയറക്ടര്‍ ഫാ. ജെയ്സണ്‍ കൊള്ളന്നൂര്‍, ജനറല്‍ സെക്രട്ടറി സന്തോഷ്‌ അറയ്ക്കല്‍, ജെയ്സ്‌ വാട്ടപ്പിള്ളില്‍, ഡോ. ജോസഫ്‌ കൊച്ചുപറമ്പില്‍ തുടങ്ങിയവര്‍ പ്രസംഗിച്ചു.