വിശ്വാസം ജീവനേക്കാള്‍ വിലപ്പെട്ട ദൈവദാനം: ഡോ. ഡാനിയേല്‍ അച്ചാരുപറമ്പില്‍

വിശ്വാസം ജീവനേക്കാള്‍ വിലപ്പെട്ട ദൈവദാനമാണെന്ന്‌ വരാപ്പുഴ അതിരൂപത ആര്‍ച്ച്ബിഷപ്‌ ഡോ. ഡാനിയേല്‍ അച്ചാരുപറമ്പില്‍. വരാപ്പുഴ അതിരൂപത ഫാമിലി അപ്പോസ്തലേറ്റ്‌ എറണാകുളം ആശിര്‍ഭവനില്‍ സംഘടിപ്പിച്ച കുടുംബയൂണിറ്റ്‌ നേതൃസമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. വളരുന്ന തലമുറയുടെ വിശ്വാസരാഹിത്യം നമ്മെ അസ്വസ്ഥരാക്കുന്നു. നമുക്ക്‌ ചുറ്റും നടക്കുന്നത്‌ സഭയുടെ കാഴ്ചപ്പാടുകള്‍ക്ക്‌ വിരുദ്ധമാണെന്നും അദ്ദേഹം പറഞ്ഞു. ഫാമിലി അപ്പോസ്തലേറ്റ്‌ ഡയറക്ക്ടര്‍ ഫാ. ജോണ്‍ പുളിപ്പറമ്പില്‍ യോഗത്തില്‍ അധ്യക്ഷനായിരുന്നു. ഫാ.സേവ്യര്‍ കുടിയാംശേരി, പ്രഫ.വി.എക്സ്‌ സെബാസ്റ്റ്യന്‍, പ്രഫ.പ്രിമൂസ്‌ പെരിഞ്ചേരി, ജോബി തോമസ്‌, സിസ്റ്റര്‍ ലീന മേരി, ബാബു കോമരത്ത്‌, എഡ്വേര്‍ഡ്‌ എന്നിവര്‍ പ്രസംഗിച്ചു.