സ്നേഹത്തില്‍ അധിഷ്ഠിതമായിരിക്കണം ക്രൈസ്തവ ജീവിതം: മാര്‍ ജോസഫ്‌ പവ്വത്തില്‍

ദേവാലയങ്ങളുടെ ഭംഗിയില്‍ ആശ്രയിക്കുന്നതിനേക്കാളുപരി സ്നേഹത്തില്‍ ആശ്രയിച്ചായിരിക്കണം ക്രൈസ്തവ ജീവിതമെന്ന്‌ ആര്‍ച്ച്‌ ബിഷപ്പ്‌ മാര്‍ ജോസഫ്‌ പവ്വത്തില്‍ പറഞ്ഞു. ആനപ്രമ്പാല്‍ സെണ്റ്റ്‌ ജോര്‍ജ്‌ ഓര്‍ത്തഡോക്സ്‌ ഇടവകയുടെ പുതുക്കി പണിത ദേവാലയത്തിണ്റ്റെ വിശുദ്ധ മൂറോന്‍ കൂദാശക്കുശേഷം നടന്ന പൊതുസമ്മേളനം ഉദ്ഘാടനം ചെയ്ത്‌ സംസാരിക്കുകയായിരുന്നു അദ്ദേഹം.ഡോ. യൂഹാനോന്‍ മാര്‍ ക്രിസോസ്റ്റമോസ്‌ മെത്രാപ്പോലീത്ത അധ്യക്ഷത വഹിച്ചു. സഭാരത്നം ഡോ. ഗീവര്‍ഗീസ്‌ മാര്‍ ഓസ്താത്തിയോസ്‌ അനുഗ്രഹ പ്രഭാഷണം നടത്തി. സഖറിയാസ്‌ മാര്‍ അന്തോണിയോസ്‌ മുഖ്യപ്രഭാഷണവും മാത്യൂസ്‌ മാര്‍ തേവോദോസ്യോസ്‌, യൂഹാനോന്‍ മാര്‍ തേവോദോറോസ്‌, ഫാ. കെ.വി. മാത്യൂസ്‌, ഫാ. മാത്യൂസ്‌ ജോണ്‍ മനയില്‍, ഫാ. അലക്സാണ്ടര്‍ ഏബ്രഹാം, റവ. പ്രഫ. എ.പി ജോസഫ്‌ കോര്‍ എപ്പിസ്കോപ്പ, റവ. എം.സി ശാമുവേല്‍, റവ. അലക്സ്‌ പി. ഉമ്മന്‍, ഫാ. ജോസഫ്‌ ശാമുവേല്‍, ഫാ. കെ.എം ജേക്കബ്‌ തുടങ്ങിയവര്‍ പ്രസംഗിച്ചു.