ഭരണ സംവിധാനങ്ങളുടെ വിശ്വാസ്യത തകര്‍ന്നു: അല്‍മായ കമ്മീഷന്‍

അഴിമതിയും കെടുകാര്യസ്ഥതയും രാഷ്ട്രീയ ഉദ്യോഗസ്ഥതട്ടിപ്പും വിലക്കയറ്റവും തീവ്രവാദ ഭീകരപ്രവര്‍ത്തനങ്ങളും ഭരണസംവിധാനങ്ങളെ അടിമുടി നശിപ്പിക്കുകയും ജനങ്ങളില്‍ വിശ്വാസ്യത നഷ്ടപ്പെടുത്തുകയും ചെയ്തിരിക്കുന്നുവെന്നു സീറോ മലബാര്‍ സഭ അല്‍മായ കമ്മീഷന്‍.പൊതുസമൂഹത്തിണ്റ്റെയും കേന്ദ്ര-സംസ്ഥാന സര്‍ക്കാരിണ്റ്റെയും വിവിധ മേഖലകളില്‍ നിസ്വാര്‍ഥ സേവനത്തിനും ആത്മാര്‍ഥതയ്ക്കും സത്യസന്ധതയ്ക്കും ഉത്തമോദാഹരണങ്ങളായി പ്രവര്‍ത്തിക്കുന്ന മാന്യവ്യക്തികളെപ്പോലും അപവാദ പ്രചരണത്തിലും കള്ളക്കേസുകളിലും കുടുക്കി പൊതുസമൂഹത്തില്‍ അപമാനിക്കാന്‍ ശ്രമിക്കുന്നത്‌ സാംസ്കാരിക അധ:പതനവും മന:സാക്ഷിയോടുള്ള വെല്ലുവിളിയുമാണെന്ന്‌ സെക്രട്ടറി അഡ്വ. വി.സി. സെബാസ്റ്റ്യന്‍ ചൂണ്ടിക്കാട്ടി.