സഭൈക്യത്തിനായുള്ള വത്തിക്കാന്‍ പ്രതിനിധി പിഒസിയില്‍

സഭൈക്യത്തിനായുള്ള വത്തിക്കാന്‍ കാര്യാലയത്തിണ്റ്റെ മേധാവി ആര്‍ച്ച്ബിഷപ്‌ ഡോ.ബ്രയാന്‍ ഫാറെലിനു കൊച്ചി പാസ്റ്ററല്‍ ഓറിയണ്റ്റേഷന്‍ സെണ്റ്ററില്‍ കെസിബിസി പ്രസിഡണ്റ്റ്‌ ബിഷപ്‌ ജോഷ്വാ മാര്‍ ഇഗ്നാത്തിയോസിണ്റ്റെയും പിഒസി ഡയറക്ടര്‍ റവ.ഡോ.സ്റ്റീഫന്‍ ആലത്തറയുടെയും സ്റ്റാഫ്‌ അംഗങ്ങളുടെയും നേതൃത്വത്തില്‍ സ്വീകരണം നല്‍കി. ഐറിഷുകാരനായ ഡോ. ഫാറെല്‍ 2006ജനുവരി ആറിനാണ്‌ ആര്‍ച്ച്ബിഷപ്പായി അഭിഷിക്തനായതും സാര്‍വത്രികസഭയുടെ സഭൈക്യത്തിനായുള്ള കാര്യാലയത്തിണ്റ്റെ ചുമതലയേറ്റതും. ക്രൈസ്തവസഭകളുടെ ഐക്യത്തിനും ഒരുമിച്ചുള്ള പ്രവര്‍ത്തനത്തിനുമായി പരിശുദ്ധ സിംഹാസനത്തിണ്റ്റെ കീഴില്‍ പ്രവര്‍ത്തിക്കുന്ന വിഭാഗമാണു ക്രൈസ്തവ ഐക്യത്തിനായുള്ള പൊന്തിഫിക്കല്‍ കൌണ്‍സില്‍. പൊന്തിഫിക്കല്‍ കൌണ്‍സിലില്‍ പൌരസ്ത്യ ഓര്‍ത്തഡോസ്‌ വിഭാഗത്തിണ്റ്റെ തലവനായ റവ.ഡോ.ഗബ്രിയേല്‍ ക്വിക്കേയും ആര്‍ച്ച്ബിഷപ്പിനോടൊപ്പമുണ്ടായിരുന്നു.