രാഷ്ട്രപുരോഗതിക്കുതകുന്ന കാര്യങ്ങളില്‍ ഇടപെടാന്‍ സഭയ്ക്ക്‌ അവകാശമുണ്ട്‌: കെ.എം. മാണി

രാഷ്ട്രപുരോഗതിക്ക്‌ ഉതകുന്ന കാര്യങ്ങളില്‍ ഇടപെടാന്‍ സഭക്ക്‌ അവകാശമുണെ്ടന്ന്‌ കെ.എം. മാണി എംഎല്‍എ. അതിരൂപതാ യുവദീപ്തി- കെസിവൈഎം വാര്‍ഷിക സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. രാഷ്ട്രീയമെന്നാല്‍ രാഷ്ട്രനിര്‍മാണമാണ്‌. രാഷ്്ട്ര നിര്‍മാണം രാഷ്ട്രീയ സംഘടനകള്‍ക്ക്‌ മാത്രമുളളതല്ലെന്നും കെ.എം. മാണി കൂട്ടിച്ചേര്‍ത്തു. കേരളത്തെ കാര്‍ന്നുതിന്നുന്ന മദ്യവിപത്തിനെതിരേ യുവജനങ്ങള്‍ അണിചേരണമെന്നും അദ്ദേഹം പറഞ്ഞു. ആര്‍ച്ച്‌ ബിഷപ്‌ മാര്‍ ജോസഫ്‌ പവ്വത്തില്‍ അനുഗ്രഹ പ്രഭാഷണം നടത്തി. വിശ്വസാഹോദര്യമെന്നാല്‍ മനുഷ്യരെ സ്നേഹിക്കുകയും മനസിലാക്കുകയുമാണ്‌. മറ്റുളളവരെ സ്നേഹിക്കുകയും സഹായിക്കുകയും ചെയ്യുമ്പോഴാണ്‌ നാം യഥാര്‍ഥ മനുഷ്യരായിതീരുന്നതെന്നും മാര്‍ പവ്വത്തില്‍ ഉദ്ബോധിപ്പിച്ചു. ഡപ്യൂട്ടി പ്രസിഡണ്റ്റ്‌ എലിസബത്ത്‌ അലക്സാണ്ടര്‍ അധ്യക്ഷത വഹിച്ചു. ഡയറക്ടര്‍ ഫാ. വര്‍ഗീസ്‌ പുത്തന്‍പുര ആമുഖ പ്രസംഗം നടത്തി.