പ്രഫ. ജേക്കബ്‌ കാത്തലിക്‌ ഫെഡറേഷന്‍ പ്രസിഡണ്റ്റ്‌

സീറോമലബാര്‍, മലങ്കര, ലത്തീന്‍ സഭകളുടെ പൊതു അത്്മായ സംഘടനയായ കേരള കാത്തലിക്‌ ഫെഡറേഷണ്റ്റെ സംസ്ഥാന പ്രസിഡണ്റ്റായി പ്രഫ.ജേക്കബ്‌ എം.ഏബ്രഹാം (തിരുവല്ല അതിരൂപത), ജനറല്‍സെക്രട്ടറിയായി സൈബി അക്കര (ചങ്ങനാശേരി അതിരൂപത) എന്നിവരെ തെരഞ്ഞെടുത്തു. ട്രഷററായി ജോളി പാവേലില്‍ (കൊച്ചി രൂപത), വൈസ്പ്രസിഡണ്റ്റുമാരായി അഡ്വ.സി.ജോസ്‌ ഫിലിപ്‌ (കോട്ടയം അതിരൂപത), അഡ്വ.ഡി.രാജു (നെയ്യാറ്റിന്‍കര രൂപത), മാഗി ജോസ്‌ മേനാംപറമ്പില്‍ (പാലാ രൂപത), ജോയിണ്റ്റ്‌ സെക്രട്ടറിയായി ചെറിയാന്‍ ചെന്നീര്‍ക്കര (പത്തനംതിട്ട രൂപത) എന്നിവരെയും പാലാരിവട്ടം പിഒസിയില്‍ ചേര്‍ന്ന പ്രതിനിധി സമ്മേളനം തെരഞ്ഞെടുത്തു. കെസിവൈഎം സംസ്ഥാന പ്രസിഡണ്റ്റ്‌, മലങ്കര കാത്തലിക്‌ അസോസിയേഷന്‍ പ്രസിഡണ്റ്റ്‌, സഭാതല സമിതിയുടെ പ്രസിഡണ്റ്റ്‌ എന്നീ നിലകളില്‍ പ്രഫ.ജേക്കബ്‌ ഏബ്രഹാം പ്രവര്‍ത്തിച്ചിട്ടുണ്ട്‌. തുരുത്തിക്കാട്‌ ബിഎഎം കോളജ്‌ കൊമേഴ്സ്‌ വിഭാഗം പ്രഫസറാണ്‌. കെസിവൈഎം, യുവദീപ്തി ചങ്ങനാശേരി അതിരൂപത പ്രസിഡണ്റ്റ്‌, എകെസിസി യൂത്ത്‌ കമ്മീഷന്‍ ചെയര്‍മാന്‍ എന്നീ നിലകളില്‍ പ്രവര്‍ത്തിച്ചയാളാണ്‌ സൈബി അക്കര . ഇപ്പോള്‍ എകെസിസി അതിരൂപത ജനറല്‍സെക്രട്ടറിയും പാസ്റ്ററല്‍കൌണ്‍സില്‍ അംഗവുമാണ്‌. അനുമോദനയോഗത്തില്‍ കെസിബിസി അത്മായ കമ്മീഷന്‍ ചെയര്‍മാന്‍ മാര്‍ മാത്യു ആനിക്കുഴിക്കാട്ടില്‍ അധ്യക്ഷത വഹിച്ചു. ഫാ.ജോസ്‌ കോട്ടയില്‍, ഷെവലിയര്‍ വി.സി.ആണ്റ്റണി, ഷിബു വര്‍ഗീസ്‌, ജോണ്‍ കച്ചിറമറ്റം, ടോമി തുരുത്തിക്കര തുടങ്ങിയവര്‍ പ്രസംഗിച്ചു.