പ്ളസ്‌ വണ്‍: സിബിഎസ്‌ഇ വിദ്യാര്‍ഥികള്‍ക്ക്‌ അവസരം നിഷേധിക്കരുത്‌ : ബിഷപ്‌ മാര്‍ റെമിജിയോസ്‌ ഇഞ്ചനാനിയില്‍.

പ്ളസ്‌ വണ്‍ അലോട്ട്മെണ്റ്റില്‍ സിബിഎസ്‌ഇ വിദ്യാര്‍ഥികള്‍ക്കുകൂടി അവസരം നല്‍കാനുള്ള നടപടി സ്വീകരിക്കണമെന്ന്‌ താമരശേരി ബിഷപ്‌ മാര്‍ റെമിജിയോസ്‌ ഇഞ്ചനാനിയില്‍. സംസ്ഥാനത്ത്‌ ഒന്നാംഘട്ട പ്ളസ്‌ വണ്‍ അലോട്ട്മെണ്റ്റ്‌ ഇന്ന്‌ അവസാനിക്കുകയാണ്‌. എന്നാല്‍ ഈ മാസം 20ന്‌ മാത്രമാണ്‌ സിബിഎസ്‌ഇ പത്താം ക്ളാസ്‌ വിദ്യാര്‍ഥികളുടെ പരീക്ഷാഫലം പ്രസിദ്ധീകരിക്കുകയുള്ളൂ. ഒന്നാംഘട്ടം അവസാനിക്കുമ്പോള്‍ സിബിഎസ്‌ഇ വിദ്യാര്‍ഥികള്‍ക്ക്‌ അവസരം നിഷേധിക്കപ്പെടും. വിദ്യാര്‍ഥികളുടെ അവകാശ നിഷേധമാണ്‌ ഇതുവഴിയുണ്ടാവുക. ഈ സാഹചര്യത്തില്‍ സര്‍ക്കാരും വിദ്യാഭ്യാസ വകുപ്പും നീതിപൂര്‍വകമായ നിലപാട്‌ സ്വീകരിക്കണമെന്ന്‌ ബിഷപ്‌ ആവശ്യപ്പെട്ടു.