യുവജനങ്ങളുടെ കഴിവ്‌ സമൂഹത്തിന്റെ വളർച്ചയ്ക്ക്‌ പ്രയോജനപ്പെടുത്തണം: മാർ റാഫേൽ തട്ടിൽ

യുവതലമുറയുടെ കഴിവും ആവേശവും സമൂഹത്തിന്റെ വളർച്ചയ്ക്കായി പ്രജോനപ്പെടുത്തണമെന്ന്‌ അതിരൂപത സഹായമെത്രാൻ മാർ റാഫേൽ തട്ടിൽ പറഞ്ഞു. നിങ്ങളുടെ കഴിവുകൾ സമൂഹത്തെ ഇടിച്ചുതകർക്കാൻ ഉപയോഗിക്കരുത്‌. അത്‌ യുവജനങ്ങളുടെ നാശത്തിന്‌ കാരണമാകും. മാർ തട്ടിൽ ഓർമപ്പെടുത്തി. തൃശൂർ അതിരൂപത ശതോത്തര രജതജൂബിലിയുടെ ഭാഗമായി പാലയൂർ ഫൊറോന ജീസസ്‌ യൂത്ത്‌ സംഘടിപ്പിച്ച യുവജന സംഗമത്തിൽ മുഖ്യപ്രഭാഷണം നടത്തുകയായിരുന്നു അദ്ദേഹം.