സമാധാനത്തിന്റെ സന്ദേശ വാഹകരാകുവാന്‍ മരിയന്‍ ദര്‍ശനങ്ങള്‍ ഉള്‍ക്കൊള്ളണം: മാര്‍ ജെയിംസ്‌ പഴയാറ്റില്‍

അസഹിഷ്ണതയുടെ ലോകത്ത്‌ സമാധാനത്തിന്റെ സന്ദേശ വാഹകരാകുവാന്‍ മരിയന്‍ ദര്‍ശനങ്ങള്‍ ഉള്‍ക്കൊള്ളുന്നവര്‍ക്കേ സാധിക്കൂവെന്ന്‌ ഇരിങ്ങാലക്കുട രൂപത ബിഷപ്‌ മാര്‍ ജെയിംസ്‌ പഴയാറ്റില്‍. ഇരിങ്ങാലക്കുട കത്തീഡ്രല്‍ സി.എല്‍.സിയുടെ 30-ാ‍ം വാര്‍ഷികാഘോഷങ്ങള്‍ക്ക്‌ മുന്നോടിയായി വല്ലാര്‍പ്പാടം ബസിലിക്ക ദേവാലയത്തില്‍നിന്നും ആരംഭിച്ച മരിയന്‍ ജ്യോതി പ്രയാണം കത്തീഡ്രല്‍ ദേവാലയത്തില്‍ പ്രത്യേകം സജ്ജമാക്കിയ ബലിവേദിയില്‍ പ്രതിഷ്ഠിച്ചുകൊണ്ട്‌ സംസാരിക്കുകയായിരുന്നു ബിഷപ്‌. മരിയന്‍ ദര്‍ശനങ്ങള്‍ ഉള്‍കൊണ്ടുകൊണ്ട്‌ പ്രവര്‍ത്തിക്കുന്നവര്‍ക്ക്‌ മാത്രമേ ലോകത്ത്‌ ശാന്തിയും സമാധാനവും കൈവരിക്കുവാന്‍ സാധിക്കൂ.