ഏകസ്ഥജീവിതം ദൈവവിളി: മാര്‍ മാത്യു ആനിക്കുഴിക്കാട്ടില്‍

അപ്പസ്തോലികകാലം മുതല്‍ സഭയില്‍ വിവാഹം, പൗരോഹിത്യം, സന്യാസം എന്നിവ പോലെ ഏകസ്ഥജീവിതം ഒരു ദൈവവിളിയാണെന്ന്‌ ബിഷപ്‌ മാര്‍ മാത്യു ആനിക്കുഴിക്കാട്ടില്‍ പ്രസ്താവിച്ചു. മുരിങ്ങൂര്‍ ഡിവൈന്‍ ധ്യാനകേന്ദ്രത്തില്‍ കെ.സി.ബി.സി ഫാമിലി കമ്മീഷന്റെ നേതൃത്വത്തില്‍ നാലു ദിവസം നീണ്ടുനിന്ന അഖില കേരള വനിതാ ഏകസ്ഥരുടെ ചതുര്‍ദിന സെമിനാര്‍ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.സമുദായം നാലുവശത്തുനിന്നും ഏകസ്ഥരുടെ സഹായം ഇന്ന്‌ തേടുന്നുണ്ട്‌. അത്‌ മനസ്സിലാക്കി, ഏകസ്ഥര്‍ തങ്ങളുടെ ദൗത്യം കരുപ്പിടിപ്പിക്കണമെന്നും അദ്ദേഹം പറഞ്ഞു.ദരിദ്രര്‍ക്കും ക്ലേശമനുഭവിക്കുന്നവര്‍ക്കും വേണ്ടി സേവനം ചെയ്യാന്‍ ഏകസ്ഥര്‍ക്ക്‌ കഴിയുമെന്നും അതിനാല്‍ ഇന്ന്‌ രോഗികള്‍, കുട്ടികള്‍ എന്നിവര്‍ക്ക്‌ ശുശ്രൂഷ ചെയ്യാന്‍ ഏകസ്ഥര്‍ പ്രത്യേകം മുന്നോട്ടുവരണമെന്നും അദ്ദേഹം ആഹ്വാനം ചെയ്തു.