കേരളയാത്ര മദ്യവിപത്തിനെതിരേയാകണം: ബിഷപ്‌ ഡോ.തെക്കെത്തെച്ചേരില്‍

രാഷ്ട്രീയ പാര്‍ട്ടികളുടെ കേരളയാത്രകള്‍ ജനക്ഷേമം ലക്ഷ്യമാക്കിയെങ്കില്‍ അത്‌ മദ്യവിപത്തിനെതിരേയാകണമെന്നു കെസിബിസി മദ്യവിരുദ്ധ കമ്മീഷന്‍ ചെയര്‍മാന്‍ വിജയപുരം ബിഷപ്‌ ഡോ.സെബാസ്റ്റ്യന്‍ തെക്കെ ത്തെച്ചേരില്‍.എറണാകുളം, തൃശൂര്‍, മലബാര്‍, തിരുവനന്തപുരം, കോട്ടയം മേഖലകള്‍ കേന്ദ്രീകരിച്ച്‌ മദ്യത്തിനെതിരേ പ്രാചരണ പ്രവര്‍ത്തനങ്ങള്‍ ശക്തിപ്പെടുത്താനായി രൂപീകരിച്ച മേഖലാ പരിപാടികള്‍ക്കായുള്ള കൊടികളും അദ്ദേഹം കൈമാറി. വിചാരണ-2009 എന്ന പേരില്‍ ഇതിനോടനുബന്ധിച്ച്‌ നടത്തുന്ന സംസ്ഥാനതല സമരപരിപാടികളുടെ ഉദ്ഘാടനവും അദ്ദേഹം നിര്‍വഹിച്ചു.മദ്യപാനികള്‍ക്കും മദ്യപാനത്തെ പ്രോത്സാഹിപ്പിക്കുന്നവര്‍ക്കും ഈശ്വര നിഷേധികള്‍ക്കും വരുന്ന തെരഞ്ഞെടുപ്പില്‍ വോട്ടു ചെയ്യരുതെന്ന്‌ അനുഗ്രഹ പ്രഭാഷണം നടത്തിയ വരാപ്പുഴ അതിരൂപതാ സഹായ മെത്രാന്‍ ഡോ. ജോസഫ്‌ കാരിക്കശേരി പറഞ്ഞു.