യുവജനങ്ങള്‍ സഭയെ നയിക്കണം: കര്‍ദിനാള്‍ മാര്‍ വിതയത്തില്‍

യുവത്വത്തിന്റെ വിശാലതയും ഊര്‍ജവും ധൈര്യവും നല്‍കിക്കൊണ്ട്‌ കത്തോലിക്കാ സഭയെ യുവജനങ്ങള്‍ നയിക്കണമെന്ന്‌ സീറോ മലബാര്‍ സഭാ മേജര്‍ ആര്‍ച്ച്‌ ബിഷപ്‌ കര്‍ദിനാള്‍ മാര്‍ വര്‍ക്കി വിതയത്തില്‍ ആഹ്വാനംചെയ്തു. കോട്ടയം അതിരൂപതയിലെ യുവജനസംഘടനയായ ക്നാനായ കാത്തലിക്‌ യൂത്ത്‌ ലീഗിന്റെ 2009 വര്‍ഷത്തിലെ പ്രവര്‍ത്തന മാര്‍ഗരേഖ പ്രയാണം -2009' പ്രകാശനംചെയ്തു പ്രസംഗിക്കുകയായിരുന്നു അദ്ദേഹം. യുവജനപ്രഭയില്‍ ജ്വലിക്കും കുടുംബം എന്ന സംഘടനയുടെ പ്രവര്‍ത്തന മുദ്രാവാക്യം ഇന്നത്തെ സാമൂഹ്യ ചുറ്റുപാടില്‍ പ്രസക്തമാണെന്നും മനോഹാരിത നഷ്ടപ്പെടുന്ന കുടുംബങ്ങളില്‍ യുവജന സ്വാധീനത്തില്‍ പ്രഭ വിതറുവാന്‍ കഴിയണമെന്നും കര്‍ദിനാള്‍ പറഞ്ഞു.