കെ.സി.വൈ.എം വിദ്യാഭ്യാസമന്ത്രിയുടെ വസതിയിലേക്ക്‌ മാര്‍ച്ച്‌ നടത്തി

വിദ്യാഭ്യാസരംഗത്തെ അധാര്‍മിക നിലപാടുകള്‍ പിന്‍വലിക്കണമെന്നാവശ്യപ്പെട്ട്‌ കെ.സി.വൈ.എം സംസ്ഥാന സമിതിയുടെ നേതൃത്വത്തില്‍ വിദ്യാഭ്യാസമന്ത്രിയുടെ വസതിയിലേക്ക്‌ മാര്‍ച്ച്‌ നടത്തി. തിരുവനന്തപുരം ലത്തീന്‍ അതിരൂപതാ വികാരി ജനറല്‍ ഫാ. യൂജിന്‍ പെരേര ഫ്ലാഗ്‌ ഓഫ്‌ ചെയ്ത മാര്‍ച്ച്‌ ദേവസ്വം ബോര്‍ഡ്‌ ജംഗ്ഷനില്‍ പോലീസ്‌ തടഞ്ഞു.തുടര്‍ന്ന്‌ നടന്ന ധര്‍ണ സംസ്ഥാന പ്രസിഡന്റ്‌ ജോസഫ്‌ തോമസ്‌ ഉദ്ഘാടനം ചെയ്തു. സമൂഹത്തിനും വിശ്വാസികള്‍ക്കും നേരെ നടക്കുന്ന സകല അധാര്‍മിക നിലപാടുകളെയും ജീവന്‍ കൊടുത്തും നേരിടുമെന്ന്‌ അദ്ദേഹം പറഞ്ഞു.