വിദ്യാലയങ്ങള്‍ ജീവിതസംസ്കാരം പഠിപ്പിക്കുന്ന കേന്ദ്രങ്ങള്‍: മാര്‍ ജോസ്‌ പൊരുന്നേടം

വിദ്യാലയങ്ങള്‍ ജീവിത സംസ്കാരം പഠിപ്പിക്കുന്ന കേന്ദ്രങ്ങളാണെന്ന്‌ മാനന്തവാടി രൂപത ബിഷപ്‌ മാര്‍ ജോസ്‌ പൊരുന്നേടം. തരിയോട്‌ സെന്റ്മേരീസ്‌ യു.പി സ്കൂള്‍ 58-ാ‍മത്‌ വാര്‍ഷികാഘോഷം ഉദ്ഘാടനം ചെയ്ത്‌ പ്രസംഗിക്കുകയായിരുന്നു ബിഷപ്‌.മനുഷ്യനെ യഥാര്‍ഥ മനുഷ്യനാക്കാനുള്ള പാഠങ്ങളാണ്‌ വിദ്യാലയങ്ങളില്‍ നിന്നും ലഭിക്കുന്നത്‌. അച്ചടക്കമുള്ള ഒരു സമൂഹത്തിന്‌ മാത്രമേ നാടിന്റെ പുരോഗതിക്കുവേണ്ടി പ്രവര്‍ത്തിക്കാന്‍ സാധിക്കുകയുള്ളു.അച്ചടക്കമുള്ള ദേശസ്നേഹികളെ വാര്‍ത്തെടുക്കുന്നതും വിദ്യാലയങ്ങളില്‍ നിന്നാണ്‌. ഗുരുശിഷ്യ ബന്ധം ഗുരുവിനേയും ശിഷ്യനേയും ഒരു പോലെ സന്തോഷിപ്പിക്കുന്നതാണ്‌. അതുകൊണ്ട്‌ മഹനീയമായ ഈ ബന്ധം ഊട്ടി ഉറപ്പിക്കേണ്ടത്‌ കാലഘട്ടത്തിന്റെ അനിവാര്യതയാണെന്നും ബിഷപ്‌ പറഞ്ഞു.