മൂല്യത്തകര്‍ച്ചയാണ്‌ ഇന്ന്‌ കുടുംബങ്ങളുടെ പ്രശ്നം: ആര്‍ച്ച്‌ ബിഷപ്‌ ഡോ. ഡാനിയേല്‍ അച്ചാരുപറമ്പില്‍

മൂല്യത്തകര്‍ച്ചയാണ്‌ ഇന്ന്‌ കുടുംബങ്ങളുടെ പ്രശ്നമെന്ന്‌ ആര്‍ച്ച്ബിഷപ്‌ ഡോ.ഡാനിയേല്‍ അച്ചാരുപറമ്പില്‍. എറണാകുളം ആശിര്‍ഭവനില്‍ വരാപ്പുഴ അതിരൂപതാ കുടുംബ കൂട്ടായ്മയുടെ നേതൃസമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. സമൂഹം നല്‍കുന്ന ശക്തവും ആധികാരികവുമായ പ്രോത്സാഹനം ഈ മൂല്യത്തകര്‍ച്ചയ്ക്ക്‌ ഔദ്യോഗിക പരിവവേഷം നല്‍കിയിരിക്കുകയാണെന്നും അദ്ദേഹം കൂട്ടിച്ചേര്‍ത്തു. ഈ കാലഘട്ടത്തില്‍ കത്തോലിക്കാ നേതൃത്വത്തിന്റെ ഉജ്ജ്വലമായ കൂട്ടായ്മ ശക്തി തുറന്നു കാണിക്കുന്നതായിരുന്നു ലോക്സഭയിലേക്ക്‌ നടന്ന തെരഞ്ഞെടുപ്പു ഫലം. കുടുംബയോഗ ങ്ങളില്‍ കാലാനുസൃതമായ കാര്യങ്ങള്‍ ചര്‍ച്ച ചെയ്ത്‌ പ്രാവര്‍ത്തികമാക്കുന്നതിനും കാലഹരണപ്പെട്ട ആശയങ്ങള്‍ തള്ളിക്കളഞ്ഞ്‌ ഇന്നത്തെ വെല്ലുവിളികള്‍ നേരിടുവാന്‍ ജനങ്ങളെ പ്രാപ്തരാക്കണമെന്നും ആര്‍ച്ച്ബിഷപ്‌ ആവശ്യപ്പെട്ടു.4000-ഓളം കുടുംബയൂണിറ്റ്‌ നേതൃത്വത്തിനുള്ള പ്രാര്‍ഥന ആര്‍ച്ച്ബിഷപ്‌ ചൊല്ലിക്കൊടുത്തു.