അശ്ലീല പരാമര്‍ശം സ്ത്രീത്വത്തോടുള്ള അവഹേളനം: കെസിബിസി വിമന്‍സ്‌ കമ്മീഷന്‍

സിസ്റ്റര്‍ സെഫിക്കെതിരേയുള്ള അന്വേഷണ റിപ്പോര്‍ട്ടില്‍ സിബിഐ നടത്തിയിരിക്കുന്ന അശ്ലീലം നിറഞ്ഞ പരാമര്‍ശങ്ങള്‍ മനുഷ്യാവകാശ ലംഘനവും കിരാതവുമാണെന്നു കെസിബിസി വിമന്‍സ്‌ കമ്മീഷന്‍ കുറ്റപ്പെടുത്തി. സ്ത്രീത്വത്തെ മനഃപൂര്‍വം ഇടിച്ചു താഴ്ത്തുന്ന വാക്കുകള്‍ ഉപയോഗിച്ച ഉദ്യോഗസ്ഥരുടെ മേല്‍ മേലധികാരികള്‍ കര്‍ശന നടപടി എടുക്കണമെന്നും വിമന്‍സ്‌ കമ്മീഷന്‍ ആവശ്യപ്പെട്ടു. കേസുകളുടെ വിചാരണ വേളയിലും കുറ്റപത്രത്തിലും ഉപയോഗിക്കുന്ന വാക്കുകള്‍ ഭാഷാശൈലി സഭ്യമായിരിക്കമെന്ന കാര്യം ഉറപ്പുവരുത്താന്‍ അധികാരികള്‍ ശ്രദ്ധിക്കണമെന്നും കെസിബിസി വിമന്‍സ്‌ കമ്മീഷന്‍ ഓര്‍മിപ്പിച്ചു.