കുഞ്ഞേട്ടന്‍ വരുംതലമുറയ്ക്കും പ്രചോദനം : ജസ്റ്റീസ്‌ കുര്യന്‍ ജോസഫ്‌

ഉയര്‍ന്ന ചിന്തയും ലളിതമായ ജീവിതശൈലിയും ദൈവവുമായുള്ള ആത്മീയബന്ധവും ഊട്ടിയുറപ്പിച്ച കുഞ്ഞേട്ടന്‍ എന്ന പി.സി ഏബ്രഹാം വരുംതലമുറയ്ക്ക്‌ പ്രചോദനമായിരിക്കുമെന്ന്‌ ജസ്റ്റീസ്‌ കുര്യന്‍ ജോസഫ്‌. കുഞ്ഞേട്ടന്റെ സംസ്കാരത്തിനുശേഷം ചെമ്മലമറ്റം പള്ളി മൈതാനിയില്‍ നടന്ന അനുശോചന സമ്മേളനത്തില്‍ അധ്യക്ഷത വഹിച്ചു പ്രസംഗിക്കുകയായിരുന്നു അദ്ദേഹം.ആന്റോ ആന്റണി എംപി, പി.സി ജോര്‍ജ്‌ എംഎല്‍എ, സി.എഫ്‌ തോമസ്‌ എംഎല്‍എ, ചെറുപുഷ്പ മിഷന്‍ലീഗ്‌ ദേശീയ പ്രസിഡന്റ്‌ ഐപ്പ്‌ ജോണ്‍ കല്ലാങ്കല്‍, സംസ്ഥാന പ്രസിഡന്റ്‌ ബിനോയി പള്ളിപ്പറമ്പില്‍, പാലാ രൂപത ഡയറക്ടര്‍ ഫാ. സെബാസ്റ്റ്യന്‍ കൊല്ലംപറമ്പില്‍, ചെമ്മലമറ്റം പള്ളി വികാരി ഫാ. ജയിംസ്‌ കട്ടയ്ക്കല്‍, ഹൈസ്കൂള്‍ ഹെഡ്മാസ്റ്റര്‍ വി.വി ഫിലിപ്പ്‌, സിസ്റ്റര്‍ മരിയ ഫ്രാന്‍സിസ്‌ എഫ്സിസി, സച്ചിന്‍ ചെറുകരക്കുന്നേല്‍ തുടങ്ങിയവര്‍ പ്രസംഗിച്ചു.