ആര്‍ച്ച്‌ ബിഷപ്‌ ഡോ.അച്ചാരുപറമ്പില്‍ ആശുപത്രിയില്‍

വരാപ്പുഴ ആര്‍ച്ച്‌ ബിഷപും കെസിബിസി പ്രസിഡന്റുമായ ഡോ.ഡാനിയേല്‍ അച്ചാരുപറമ്പിലിനെ പനിയും ഛര്‍ദിയും വയറുവേദനയും മൂലം ആശുപത്രിയില്‍ പ്രവേശിപ്പിച്ചു. ഇന്നലെ പകല്‍ അതീവ ഗുരുതരാവസ്ഥയിലായിരുന്നെങ്കിലും രാത്രിയില്‍ ആരോഗ്യനിലയില്‍ നേരിയ പുരോഗതി ഉണ്ടായതായി ആശുപത്രി അധികൃതര്‍ അറിയിച്ചു. 48 മണിക്കൂര്‍ നിരീക്ഷണത്തിലാണെന്നും അതിനുശേഷം മാത്രമേ കൂടുതല്‍ എന്തെങ്കിലും പറയാനാകുകയുള്ളൂവെന്നും ആശുപത്രി ഡപ്യൂട്ടി മെഡിക്കല്‍ സൂപ്രണ്ട്‌ ഡോ.സന്തോഷ്‌ ജോണ്‍ ഏബ്രഹാം പറഞ്ഞു.