കര്‍ദിനാള്‍ മാര്‍ വര്‍ക്കി വിതയത്തില്‍ ആശുപത്രിയില്‍

ഹൃദയാഘാതത്തെ തുടര്‍ന്ന്‌ ആശുപത്രിയില്‍ പ്രവേശിപ്പിച്ച സീറോ മലബാര്‍ സഭ മേജര്‍ ആര്‍ച്ച്‌ ബിഷപ്‌ കര്‍ദിനാള്‍ മാര്‍ വര്‍ക്കി വിതയത്തിലിന്റെ ആരോഗ്യസ്ഥിതി അല്‍പം മെച്ചപ്പെട്ടിട്ടുണ്ടെന്ന്‌ സഭാവക്താവ്‌ ഫാ. പോള്‍ തേലക്കാട്ടില്‍ അറിയിച്ചു. തിങ്കളാഴ്ച രാത്രി 10.40ന്‌ മൗണ്ട്‌ സെന്റ്‌ തോമസില്‍ വച്ചാണ്‌ കര്‍ദിനാളിന്‌ ഹൃദയാഘാതമുണ്ടായത്‌. ഉടന്‍ തന്നെ എറണാകുളം ലിസി ആശുപത്രിയില്‍ പ്രവേശിപ്പിച്ചു. അദ്ദേഹത്തെ അടിയന്തരമായി ആന്‍ജിയോപ്ലാസ്റ്റിക്കു വിധേയനാക്കി. വെന്റിലേറ്ററില്‍ കഴിയുന്ന കര്‍ദിനാളിന്റെ ആരോഗ്യസ്ഥിതി മെച്ചപ്പെട്ടിട്ടുണ്ടെന്ന്‌ ഡോ. റോണി മാത്യു അറിയിച്ചു. ഡോ. റോണി മാത്യുവിന്റെയും ഡോ. ജോസ്‌ പെരിയപ്പുറത്തിന്റെ യും നേതൃത്വത്തിലുള്ള വിദഗ്ധസംഘത്തിന്റെ നിരീക്ഷണത്തിലാ ണ്‌ മാര്‍ വിതയത്തില്‍.