ന്യൂനപക്ഷങ്ങള്‍ക്ക്‌ പ്രത്യേക യൂണിവേഴ്സിറ്റികള്‍ അനുവദിക്കണം: കത്തോലിക്കാ കോണ്‍ഗ്രസ്‌

സംസ്ഥാനത്ത്‌ ന്യൂനപക്ഷ സര്‍വകലാശാലകള്‍ അനുവദിക്കണമെന്ന്‌ കത്തോലിക്കാ കോണ്‍ഗ്രസ്‌ കേന്ദ്ര വര്‍ക്കിംഗ്‌ കമ്മിറ്റി യോഗം സംസ്ഥാന സര്‍ക്കാരിനോട്‌ ആവശ്യപ്പെട്ടു. ഇന്ത്യയിലെ ന്യൂനപക്ഷങ്ങള്‍ക്ക്‌ ഭരണഘടന അനുശാസിക്കുന്ന അവകാശങ്ങള്‍ പൂര്‍ണമായും നടപ്പാക്കാന്‍ സാധിക്കാത്ത സാഹചര്യത്തില്‍ വിദ്യാഭ്യാസരംഗത്ത്‌ നേട്ടങ്ങള്‍ കൈവരിക്കാനും മാറിമാറിവരുന്ന ഗവണ്‍മെന്റുകളുടെ വികലമായ പരിഷ്കാരങ്ങളില്‍നിന്നും പീഡനങ്ങളില്‍നിന്നും രക്ഷപ്പെടാനും കത്തോലിക്കാ സര്‍വകലാശാല ആവശ്യമാണെന്നും യോഗം അഭിപ്രായപ്പെട്ടു. സംസ്ഥാന പ്രസിഡന്റ്‌ എം.ഡി ജോസഫ്‌ മണ്ണിപ്പറമ്പില്‍ അധ്യക്ഷനായിരുന്നു.റവ. ഡോ. ആന്റണി നിരപ്പേല്‍, സെക്രട്ടറി ടോമി തുരുത്തിക്കര, അഡ്വ. ബിജു പറയനിലം, പ്രഫ. ജോസുകുട്ടി ഒഴുകയില്‍, പ്രഫ. വി.എ വര്‍ഗീസ്‌, എം.എം ജേക്കബ്‌, പ്രഫ. കെ.കെ ജോണ്‍, സൈബി അക്കര, പി.എ ആന്റണി, അഡ്വ. ടോണി ജോസഫ്‌, ബേബി മാത്യു, ജോസ്‌ ജോര്‍ജ്‌ ഇടുക്കി തുടങ്ങിയവര്‍ പ്രസംഗിച്ചു.