ദൈവാനുഭവത്തിന്റെ സാക്ഷ്യമാണ്‌ സാമൂഹിക സേവനം: മാര്‍ ക്ലീമിസ്‌ ബാവ

ആരാധനയിലൂടെ വിശ്വാസി അനുഭവിക്കുന്ന ദൈവാനുഭവത്തിന്റെ സാക്ഷ്യങ്ങളാണ്‌ സഭയുടെ സാമൂഹിക പ്രവര്‍ത്തനങ്ങള്‍ എന്ന്‌ മലങ്കര സബയുടെ മേജര്‍ ആര്‍ച്ച്‌ ബിഷപ്‌ മാര്‍ ബസേലിയോസ്‌ ക്ലീമിസ്‌ കാതോലിക്കാ ബാവ. ലൂര്‍ദ്‌ ഫൊറോന പള്ളിയുടെ സുവര്‍ണ ജൂബിലി ആഘോഷങ്ങളുടെ സമാപനച്ചടങ്ങുകള്‍ ഉദ്ഘാടനം ചെയ്യുകയായിരുന്നു കാതോലിക്കാ ബാവ. ചങ്ങനാശേരി അതിരൂപത ആര്‍ച്ച്‌ ബിഷപ്‌ മാര്‍ ജോസഫ്‌ പെരുന്തോട്ടത്തിന്റെ അധ്യക്ഷതയില്‍ ചേര്‍ന്ന സമ്മേളനത്തില്‍ കേരളത്തിലെ ലത്തീന്‍ കത്തോലിക്കാ മെത്രാന്‍ സംഘത്തിന്റെ അധ്യക്ഷന്‍ ആര്‍ച്ച്‌ ബിഷപ്പ്‌ ഡോ.സൂസപാക്യം അനുഗ്രഹ പ്രഭാഷണം നടത്തി.