മാനുഷികമൂല്യങ്ങള്‍ ഉയര്‍ത്തിപ്പിടിക്കുന്നതില്‍ ക്രൈസ്തവസഭകളുടെ പങ്ക്‌ പ്രശംസനീയം: ഉമ്മന്‍ചാണ്ടി

മനുഷ്യസമൂഹത്തില്‍ അന്യം നിന്നുകൊണ്ടിരിക്കുന്ന മാനുഷികമൂല്യങ്ങളായ സ്നേഹം, സഹവര്‍ത്തിത്വം, കരുണ തുടങ്ങിയവ ഉയര്‍ത്തിപ്പിടിക്കുന്നതില്‍ ക്രൈസ്തവസഭകളും അത്്മായസംഘടനകളും വഹിക്കുന്ന പങ്ക്‌ പ്രശംസനീയമാണെന്നു പ്രതിപക്ഷ നേതാവ്‌ ഉമ്മന്‍ചാണ്ടി. കുറവിലങ്ങാട്‌ ദേവമാതാ കോളജില്‍ കാത്തലിക്‌ ഫെഡറേഷന്‍ ഓഫ്‌ ഇന്ത്യയുടെ ആഭിമുഖ്യത്തില്‍ നടന്ന ജോണ്‍പോള്‍ പാപ്പാ പുരസ്കാരദാന ചടങ്ങ്‌ ഉദ്ഘാടനം ചെയ്യുകയായിരുന്നു അദ്ദേഹം. കാത്തലിക്‌ ഫെഡറേഷന്‍ ദേശീയ പ്രസിഡന്റ്‌ അഡ്വ.പി.പി ജോസഫിന്റെ അധ്യക്ഷതയില്‍ ചേര്‍ന്ന യോഗത്തില്‍ പി.സി സിറിയക്കിനും, ഡോ.താര്‍സീസ്‌ ജോസഫിനും മാര്‍ ജോസഫ്‌ കല്ലറങ്ങാട്ട്‌ അവാര്‍ഡ്‌ വിതരണംചെയ്തു. എം.സി ഇല്‍ഡഫോണ്‍സ്‌, ജറോം ബാബു, ജോസ്‌ മുള്ളങ്കുഴി എന്നിവരെ ആദരിച്ചു.