കെസിബിസി യുവജന പുരസ്കാരം സിബിക്കും മെന്‍സിക്കും

കെസിബിസി യുവജന പുരസ്കാരങ്ങള്‍ക്ക്‌ സിബി ജോയിയും മെന്‍സി ബൈജുവും അര്‍ഹരായി. ആര്‍ച്ച്‌ ബിഷപ്‌ മാര്‍ മാത്യു മൂലക്കാട്ടിന്റെ സാന്നിധ്യത്തില്‍ കെസിബിസി യുവജന കമ്മീഷന്‍ ചെയര്‍മാന്‍ ബിഷപ്‌ ഡോ.വിന്‍സന്റ്‌ സാമുവല്‍ കെസിവൈഎം സംസ്ഥാന സെനറ്റിലാണ്‌ അവാര്‍ഡ്‌ പ്രഖ്യാപനം നടത്തിയത്‌. നിലവില്‍ കെസിവൈഎം സംസ്ഥാന സെക്രട്ടറിയാണ്‌ വരാപ്പുഴ അതിരൂപതാംഗം സിബി ജോയി. ഇരിങ്ങാലക്കുട രൂപതാംഗവും കെസിവൈഎം സംസ്ഥാന സിന്‍ഡിക്കേറ്റ്‌ അംഗവുമാണ്‌ മെന്‍സി ബൈജു.സിബി ജോയി വരാപ്പുഴ അതിരൂപതയിലെ അത്താണി സെന്റ്‌ ആന്റണീസ്‌ കെസിവൈഎം യൂണിറ്റ്‌ പ്രസിഡന്റ്‌, കലൂര്‍ മേഖലാ സെക്രട്ടറി, വരാപ്പുഴ അതിരൂപതാ കെസിവൈഎം സെക്രട്ടറി, ജനറല്‍ സെക്രട്ടറി, വൈസ്‌ പ്രസിഡന്റ്‌, സംസ്ഥാന സിന്‍ഡിക്കേറ്റ്‌ അംഗം എന്നീ നിലകളില്‍ പ്രവര്‍ത്തിച്ചിട്ടുണ്ട്‌. പുളിക്കര സെന്റ്‌ മേരീസ്‌ ഇടവക കെസിവൈഎം യൂണിറ്റ്‌ ജോയിന്റ്‌ സെക്രട്ടറി, വൈസ്‌ പ്രസിഡന്റ്‌, ചാലക്കുടി ഫൊറോനാ വൈസ്‌-പ്രസിഡന്റ്‌, എന്നീ നിലകളില്‍ പ്രവര്‍ത്തിച്ചിട്ടുള്ള മെന്‍സി നിലവില്‍ കെസിവൈഎം സംസ്ഥാന സിന്‍ഡിക്കേറ്റ്‌ അംഗമാണ്‌.