ജൈവ കൃഷിരീതി കാലഘട്ടത്തിന്റെ ആവശ്യം: മാര്‍ മാത്യു അറയ്ക്കല്‍

ഭക്ഷ്യ സുരക്ഷയും സുരക്ഷിത ഭക്ഷണവും പരിസ്ഥിതി സംരക്ഷണവും ഉറപ്പാക്കുവാന്‍ ജൈവകൃഷി രീതി അനിവാര്യമാണെന്ന്‌ ബിഷപ്‌ മാര്‍ മാത്യു അറയ്ക്കല്‍. ചാമംപതാലിലെ സമഗ്ര ഗ്രാമ വികസന പദ്ധതിയുടെ ഉദ്ഘാടനം നിര്‍വഹിക്കുകയായിരുന്നു മാര്‍ മാത്യു അറയ്ക്കല്‍. ജൈവ കര്‍ഷക സംഘം പ്രസിഡന്റ്‌ ജോസ്‌ ഇമ്മാനുവേല്‍ അധ്യക്ഷതവഹിച്ചു. ജൈവ കര്‍ഷക ക്ലബ്ബുകളുടെ ഉദ്ഘാടനം നബാര്‍ഡ്‌ അസിസ്റ്റന്റ്‌ ജനറല്‍ മാനേജര്‍ സി.ജി മേനോന്‍ നിര്‍വഹിച്ചു. ഫാ. മാത്യു വടക്കേമുറി മുഖ്യ പ്രഭാഷണം നടത്തി. പ്രസാദ്‌ മറ്റത്തില്‍, ഗരുഡ ധ്വജാനന്ദ തീര്‍ഥപാദസ്വാമികള്‍, ഹാജി വി.എ പരീത്‌ റാവുത്തര്‍, ഫാ. ജോസ്‌ മാത്യു പറപ്പള്ളില്‍, കെ.വി ശ്രീകുമാര്‍, തുടങ്ങിയവര്‍ പ്രസംഗിച്ചു. നബാര്‍ഡ്‌ ജില്ലാ അസിസ്റ്റന്റ്‌ ജനറല്‍ മാനേജര്‍ എ.എസ്‌ സുബ്രഹ്മണ്യന്‍ നമ്പൂതിരി പ്രവര്‍ത്തന മാര്‍ഗ നിര്‍ദേശങ്ങള്‍ നല്‍കി.