ജനകീയ പ്രശ്നങ്ങളില്‍ സഭ ഇടപെടല്‍ ശക്തമാക്കണം: അല്‍മായ കമ്മീഷന്‍

ജനകീയ പ്രശ്നങ്ങളില്‍ ഭരണ നേതൃത്വങ്ങള്‍ ജനദ്രോഹ നിലപാടുകള്‍ സ്വീകരിക്കുമ്പോള്‍ സഭയുടെ ഇടപെടല്‍ കൂടുതല്‍ ശക്തമാക്കണമെന്ന്‌ സീറോ മലബാര്‍ സഭ അല്‍മായ കമ്മീഷന്‍. ഭക്ഷണം, പാര്‍പ്പിടം, ആരോഗ്യം, വിദ്യാഭ്യാസം, പരിചരണം എന്നീ പ്രാഥമിക മേഖലകളില്‍ പോലും ഫലവത്തായ പദ്ധതികള്‍ നടപ്പിലാക്കാന്‍ സര്‍ക്കാര്‍ പരാജയപ്പെട്ടു. അധികാരത്തിലിരിക്കുന്നവര്‍ രാഷ്ട്രീയ നാടകങ്ങളിലൂടെ ജനക്ഷേമ പ്രവര്‍ത്തനങ്ങള്‍ സ്തംഭിച്ചിരിക്കുകയാണ്‌- അല്‍മായ കമ്മീഷന്‍ ആരോപിച്ചു. സംസ്ഥാന സര്‍ക്കാരിന്റെ പുതിയ മദ്യ നയം കേരളത്തെ വന്‍ നാശത്തിലേക്ക്‌ നയിക്കും. ഹൈറേഞ്ചിലെ കര്‍ഷകരോടുള്ള സര്‍ക്കാരിന്റെ നീതി നിഷേധം ആത്മഹത്യാപരമാണെന്നും അല്‍മായ കമ്മീഷന്‍ സെക്രട്ടറി അഡ്വ വി.സി സെബാസ്റ്റ്യന്‍ പ്രസ്താവനയില്‍ പറഞ്ഞു.