സമൂഹത്തിണ്റ്റെ വളര്‍ച്ചയ്ക്ക്‌ സ്ത്രീകളുടെ പങ്ക്‌ നിര്‍ണായകം: ഡോ. സൂസപാക്യം

സമൂഹത്തിണ്റ്റെ വളര്‍ച്ചയ്ക്കും മൂല്യങ്ങളുടെ പുനഃസ്ഥാപനത്തിനും സ്ത്രീകളുടെ പങ്ക്‌ നിര്‍ണായകമാണെന്നു കെ.ആര്‍.എല്‍.സി.സി പ്രസിഡണ്റ്റ്‌ ആര്‍ച്ച്‌ ബിഷപ്‌ ഡോ.സൂസപാക്യം. കേരളത്തിലെ 11ലത്തീന്‍ രൂപതകളിലെ വനിതകള്‍ക്കുവേണ്ടി കെ.ആര്‍.എല്‍.സി.സി. ആരംഭിച്ച കേരള ലാറ്റിന്‍ കാത്തലിക്‌ വിമന്‍സ്‌ അസോസിയേഷന്‍ പ്രഥമ സംസ്ഥാന ജനറല്‍ കൌണ്‍സില്‍ ഉദ്ഘടാനം ചെയ്യുകയായിരുന്നു ആര്‍ച്ച്‌ ബിഷപ്‌. കേരള ലാറ്റിന്‍ കാത്തലിക്‌ വിമണ്‍ അസോസിയേഷന്‍ കണ്‍വീനര്‍ ജെയിന്‍ ആന്‍സല്‍ ഫ്രാന്‍സിസ്‌ കെ.ആര്‍.എല്‍.സി.സി ജനറല്‍ സെക്രട്ടറി ഫാ.സ്റ്റീഫന്‍, ജി.കുളക്കയത്തില്‍, സെക്രട്ടറി ഷാജി ജോര്‍ജ്‌, സിസ്റ്റര്‍ ഷേര്‍ളി ജൂലിയറ്റ്‌ ഡാനിയേല്‍, പ്രഫ. മേരിഗീത, സ്മിത, ബിജോയ്‌, സെലിന്‍ നെല്‍സണ്‍, എന്നിവര്‍ പ്രസംഗിച്ചു. ജീവനാദം ചീഫ്‌ എഡിറ്റര്‍ ഇഗ്നേഷ്യസ്‌ ഗോണ്‍സാല്‍വസ്‌, ഫാ. ജയിംസ്‌ കുലാസ്‌, ലിഡാ ജേക്കബ്‌ എന്നിവര്‍ വിവിധ വിഷയങ്ങളില്‍ ക്ളാസുകള്‍ നയിച്ചു. .