കെസിബിസിയുടെ ദൃശ്യമാധ്യമ രചനാ ശില്‍പശാല

കേരളാ കാത്തലിക്‌ ബിഷപ്സ്‌ കൌണ്‍സില്‍ മീഡിയാ കമ്മീഷണ്റ്റെ ആഭിമുഖ്യത്തില്‍ അഖില കേരളാ അടിസ്ഥാനത്തില്‍ ഈ മാസം 28, 29, 30തീയതികളില്‍ പാലാരിവട്ടത്തെ പാസ്റ്ററല്‍ ഓറിയണ്റ്റേഷന്‍ സെണ്റ്ററില്‍ ത്രിദിന ദൃശ്യമാധ്യമ രചനാ ശില്‍പശാല സംഘടിപ്പിക്കുന്നു. കമ്യൂണിക്കേഷന്‍, മീഡിയ, നാടക-റേഡിയോ-ടെലിവിഷന്‍ തിരക്കഥാ രചന, ഫോട്ടോഗ്രാഫി, വീഡിയോഗ്രാഫി, റെക്കോഡിംഗ്‌, എഡിറ്റിംഗ്‌ എന്നീ മേഖലകളില്‍ പ്രായോഗിക പ്രവര്‍ത്തി പരിചയ പരിശീലനം നല്‍കുന്ന ശില്‍പശാലയില്‍ പ്രവേശനം നേടുന്നതിന്‌ എസ്‌എസ്‌എല്‍സിയാണ്‌ യോഗ്യത. വൈദികര്‍ക്കും സന്യസ്തര്‍ക്കും വിദ്യാര്‍ഥികള്‍ക്കും സാഹിത്യ മാധ്യമ രചനകളില്‍ തത്പരരായിരിക്കുന്നവര്‍ക്കും അപേക്ഷിക്കാം. ബയോഡാറ്റയും മൂന്ന്‌ ദിവസത്തെ ഭക്ഷണ താമസ സ്റ്റഡി മെറ്റീരിയലുകള്‍ക്കായി 500രൂപ പ്രവേശന ഫീസും സഹിതം ഈ മാസം 20-നകം സെക്രട്ടറി, കെസിബിസി മീഡിയ കമ്മീഷന്‍, പി ഒ സി കൊച്ചി-682025എന്ന വിലാസത്തില്‍ പേര്‌ രജിസ്റ്റര്‍ ചെയ്യണം.