ഷാപ്പുകള്‍ അടച്ചു പൂട്ടണം: എകെസിസി

വിഷമദ്യ ദുരന്തത്തിണ്റ്റെ പശ്ചാത്തലത്തില്‍ കേരളത്തിലെ എല്ലാ ഷാപ്പുകളും അടച്ചുപൂട്ടണമെന്ന്‌ എകെസിസി എറണാകുളം-അങ്കമാലി അതിരൂപത സര്‍ക്കാരിനോട്‌ ആവശ്യപ്പെട്ടു. കേരളത്തിലെ മുഴുവന്‍ ഷാപ്പുകളിലും വ്യാജ കള്ളാണ്‌ വില്‍ക്കുന്നത്‌. ഇക്കാര്യം വ്യക്തമായിരിക്കുന്ന സാഹചര്യത്തില്‍ സര്‍ക്കാര്‍ മൌനം പാലിക്കുന്നത്‌ വ്യാജക്കള്ള്‌ വില്‍പ്പനയ്ക്കു സര്‍ക്കാരിണ്റ്റെ ഒത്താശ കൂടിയുണ്ടായിരുന്നു വെന്നതിണ്റ്റെ തെളിവാണ്‌. ഇക്കാര്യത്തില്‍ ഉടന്‍ നടപടി സ്വീകരിച്ചില്ലെങ്കില്‍ എറണാകുളം ജില്ലയിലെ കള്ളുഷാപ്പുകള്‍ക്കു മുന്നില്‍ പിക്കറ്റിംഗ്‌ ഉള്‍പ്പെടെയുള്ള സമര പരിപാടികള്‍ ആവിഷ്ക്കരിക്കുമെന്നും മറ്റു മദ്യവിരുദ്ധ സമിതികളുമായി ചേര്‍ന്നു വാന്‍ പ്രക്ഷോഭമാരംഭിക്കുമെന്നും സെബാസ്റ്റ്യന്‍ വടശേരി, ബേബി മാത്യു കാവളംതറയില്‍, പ്രഫ. വി.ജെ പാപ്പു, ജോസ്‌ നിധീരി, എ.കെ പുതുശേരി, ജെയ്സണ്‍ കുമാച്ചിറ, വി.സി ആണ്റ്റണി ബാബു, ജേക്കബ്‌ മുണ്ടയ്ക്കല്‍ എന്നിവര്‍ അറിയിച്ചു.