പരസ്പരസഹകരണം ദൈവീക കൂട്ടായ്മ വളര്‍ത്തും: മാര്‍ ജേക്കബ്‌ മനത്തോടത്ത്‌

പരസ്പര സഹകരണം ദൈവീക കൂട്ടായ്മ വളര്‍ത്തുമെന്ന്‌ ബിഷപ്‌ മാര്‍ ജേക്കബ്‌ മനത്തോടത്ത്‌. കല്ലടിക്കോട്‌ മേരിമാതാ പള്ളി പുതുക്കിപണിയുന്നതോടനുബന്ധിച്ച്‌ പുതിയ പള്ളിയുടെ തറക്കല്ലീടില്‍ കര്‍മ്മത്തിന്‌ മുന്നോടിയായി നടത്തിയ വിശുദ്ധകുര്‍ബാനയില്‍ സന്ദേശം നല്‍കുകയായിരുന്നു ബിഷപ്‌. ക്രൈസ്തവര്‍ കര്‍ത്താവിണ്റ്റെ സഹവേലക്കാരാണ്‌. വിശ്വാസികളുടെ കൂട്ടായ്മ മൂല്യങ്ങളുടെ വളര്‍ച്ചയ്ക്ക്‌ സഹായകമാകും-ബിഷപ്‌ പറഞ്ഞു. ഫാ. ജെയ്മോന്‍ പള്ളിനീരാക്കല്‍, ഇടവക വികാരി ഫാ. തോമസ്‌ ആരിശേരി എന്നിവര്‍ വിശുദ്ധ കുര്‍ബാനയില്‍ സഹകാര്‍മ്മികത്വം വഹിച്ചു. വിശുദ്ധകുര്‍ബാനയ്ക്കു ശേഷം ബിഷപ്‌ പുതിയ പള്ളിയുടെ തറക്കല്ലിടല്‍ കര്‍മ്മം നിര്‍വഹിച്ചു. പള്ളി നിര്‍മ്മാണ കമ്മിറ്റി ജനറല്‍ കണ്‍വീനര്‍ ജോസ്‌ മംഗലി, കൈക്കാരന്‍മാരായ തോമസ്‌ കുഴിക്കാട്ടില്‍, ടോമി മരോട്ടിമൂട്ടില്‍ എന്നിവരും ഇടവകാംഗങ്ങളും ചടങ്ങില്‍ പങ്കെടുത്തു.