ആത്മീയജീവിതം സ്നേഹത്തില്‍ അധിഷ്ഠിതമായിരിക്കണം: ബസേലിയോസ്‌ ക്ളീമീസ്‌ കാതോലിക്കാ ബാവ

മനോഗതത്തെ ദൈവത്തിനു സമര്‍പ്പിച്ച്‌ ദൈവം കല്‍പിക്കുന്ന എല്ലായിടങ്ങളിലും സ്നേഹസമര്‍പ്പണം നടത്തുന്നതാണ്‌ ആത്മീയ ജീവിതമെന്ന്‌ ബസേലിയോസ്‌ ക്ളീമീസ്‌ കാതോലിക്കാ ബാവ. ചിരട്ടക്കോണം മലങ്കര കത്തോലിക്കാ ദേവാലയത്തിണ്റ്റെ സുവര്‍ണജൂബിലി ആഘോഷങ്ങള്‍ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. പരസ്പര സ്നേഹത്തിലധിഷ്ഠിതമായ ജീവിതമുണ്ടായാല്‍ ലോകത്ത്‌ സംഘര്‍ഷങ്ങള്‍ ഒഴിവാക്കപ്പെടുമെന്നും കാതോലിക്കാ ബാവ പറഞ്ഞു. ജൂബിലി ഉദ്ഘാടനത്തിനെത്തിയ കാതോലിക്കാ ബാവയ്ക്ക്‌ ചിരട്ടക്കോണം ജംഗ്ഷനില്‍ സ്വീകരണം നല്‍കിയാണ്‌ ദേവാലയത്തിലേക്ക്‌ ആനയിച്ചത്‌. അമ്പത്‌ വര്‍ഷത്തെ സൂചിപ്പിക്കുന്ന അമ്പത്‌ പേപ്പല്‍ ഫ്ളാഗുകളും അമ്പത്‌ മുത്തുക്കുടകളുമായി മാതൃസമൂഹവും ബാലികാ ബാലന്‍മാരും കാതോലിക്കാ ബാവയെ വരവേറ്റു. ബാവയുടെ കാര്‍മികത്വത്തില്‍ വിശുദ്ധ കുര്‍ബാനയും നടന്നു. തുടര്‍ന്ന്‌ നടന്ന സമ്മേളനത്തില്‍ ഒരുവര്‍ഷം നീണ്ടുനില്‍ക്കുന്ന സുവര്‍ണജൂബിലി ആഘോഷങ്ങള്‍ കാതോലിക്കാ ബാവ ഉദ്ഘാടനം ചെയ്തു. ഇടവക വികാരി ഫാ.വര്‍ഗീസ്‌ കിഴക്കേക്കര, ശാന്തിഭവനം കുഞ്ഞുമോന്‍ എന്നിവര്‍ പ്രസംഗിച്ചു.