വൈദികര്‍ മറ്റുള്ളവര്‍ക്കുവേണ്ടി ജീവിക്കണം: മാര്‍ വര്‍ക്കി വിതയത്തില്‍

വൈദികര്‍ മറ്റുള്ളവര്‍ക്കുവേണ്ടി ജീവിക്കാന്‍ പരിശ്രമിക്കണമെന്ന്‌ സീറോ മലബാര്‍ സഭ മേജര്‍ ആര്‍ച്ച്ബിഷപ്‌ മാര്‍ വര്‍ക്കി വിതയത്തില്‍. പ്രശസ്ത തിരക്കഥാകൃത്ത്‌ ജോണ്‍ പോള്‍ പരിഭാഷപ്പെടുത്തിയ ബിഷപ്‌ ഫുള്‍ട്ടന്‍ ജെ. ഷീണ്റ്റെ 'പുരോഹിതന്‍ അവന്‌ സ്വന്തമല്ല' എന്ന പുസ്തകത്തിണ്റ്റെ പ്രകാശനകര്‍മം നിര്‍വഹിച്ച്‌ പ്രസംഗിക്കുകയായിരുന്നു മാര്‍ വര്‍ക്കി വിതയത്തില്‍. ക്രൈസ്തവജീവിതത്തിണ്റ്റെ തന്നെ അന്തസത്ത ഒരാള്‍ അവനവനുവേണ്ടിയല്ല എന്നതാണ്‌. അതിനാല്‍ പുരോഹിതര്‍ക്ക്‌ മാത്രമല്ല മറ്റുള്ളവര്‍ക്കും ഈ പുസ്തകം പ്രചോദനമായിത്തീരുമെന്നതാണ്‌ ഇതിണ്റ്റെ കാലിക പ്രസക്തി. കര്‍ദിനാള്‍ ഹൌസില്‍ നടന്ന ചടങ്ങില്‍ ഡോ. കൊച്ചുറാണി ജോസഫിന്‌ പുസ്തകത്തിണ്റ്റെ ആദ്യപ്രതി നല്‍കിക്കൊണ്ടാണ്‌ പ്രകാശനകര്‍മം നിര്‍വഹിച്ചത്‌. സീറോ മലബാര്‍ സഭ വക്താവ്‌ റവ.ഡോ. പോള്‍ തേലക്കാട്ട്‌ പുസ്തകം പരിചയപ്പെടുത്തി. കേരള സംഗീത നാടക അക്കാദമി മുന്‍ വൈസ്‌ ചെയര്‍മാന്‍ ടി.എം. ഏബ്രഹാം ആശംസകളര്‍പ്പിച്ചു. ജോണ്‍ പോള്‍ തണ്റ്റെ പരിഭാഷാനുഭവം പങ്കുവച്ചു. ബിബ്ളിയ പബ്ളിക്കേഷന്‍സ്‌ ഡയറക്ടര്‍ റവ.ഡോ. ജോസ്‌ മാണിപ്പറമ്പില്‍ സ്വാഗതവും സെബി മാളിയേക്കല്‍ നന്ദിയും പറഞ്ഞു.