മാര്‍ട്ടിനച്ചന്‍ പിതാവിണ്റ്റെ സ്നേഹം ദൈവമക്കള്‍ക്ക്‌ പകര്‍ന്നു നല്‍കി: ഡോ. സെല്‍വിസ്റ്റര്‍ പൊന്നുമുത്തന്‍

പിതാവിണ്റ്റെ സ്നേഹം ദൈവത്തിണ്റ്റെ മക്കള്‍ക്ക്‌ പകര്‍ന്നു നല്‍കിയ വൈദികനാണ്‌ മാര്‍ട്ടിന്‍ പി.ഫെര്‍ണാണ്ടസെന്ന്‌ പുനലൂറ്‍ ബിഷപ്‌ ഡോ.സെല്‍വിസ്റ്റര്‍ പൊന്നുമുത്തന്‍. എഴുപത്തിയഞ്ച്‌ വയസ്‌ തികഞ്ഞ പുനലൂറ്‍ രൂപതാ വികാരി ജനറാള്‍ മോണ്‍. മാര്‍ട്ടിന്‍ പി.ഫെര്‍ണാണ്ടസിനെ പൊന്നാട അണിയിച്ച്‌ പ്രസംഗിക്കുകയായിരുന്നു ബിഷപ്‌. ദൈവസ്നേഹത്തിണ്റ്റെ മഹത്വം വിശ്വാസികള്‍ക്ക്‌ മനസിലാക്കിക്കൊടുക്കാന്‍ വൈദികന്‌ കഴിഞ്ഞിട്ടുണ്ട്‌. അതുകൊണ്ടാണ്‌ മാര്‍ട്ടിനച്ചന്‍ വൈദികര്‍ക്കിടയില്‍ മാതൃകയാകുന്നതെന്ന്‌ ബിഷപ്‌ കൂട്ടിച്ചേര്‍ത്തു. സ്നേഹവും ആത്മാര്‍ഥതയുമാണ്‌ ജീവിതത്തില്‍ മനുഷ്യനെ മുന്നോട്ട്‌ നയിക്കുന്നതെന്നും അതുകൊണ്ടുതന്നെ ദൈവസ്നേഹം വിശ്വാസികള്‍ക്ക്‌ പകര്‍ന്നുകൊടുക്കുകയാണ്‌ താന്‍ ചെയ്തതെന്നും വികാരി ജനറാള്‍ ഫാ.മാര്‍ട്ടിന്‍ പി.ഫെര്‍ണാണ്ടസ്‌ മറുപടി പ്രസംഗത്തില്‍ പറഞ്ഞു. മാര്‍ട്ടിനച്ചനെ പിറന്നാളാശംസകള്‍ അറിയിക്കാന്‍ നൂറുകണക്കിന്‌ വൈദികരും കന്യാസ്ത്രീകളും പൊതുപ്രവര്‍ത്തകരും വിശ്വാസികളും എത്തിയിരുന്നു.