മാനന്തവാടി രൂപതയ്ക്ക്‌ പുതിയ വികാരി ജനറാള്‍

മാനന്തവാടി രൂപതയുടെ പുതിയ വികാരി ജനറാളായി ദീപ്തിഗിരി പള്ളി വികാരിയും രൂപതാജൂഡീഷ്യല്‍ വികാരിയുമായ റവ.ഫാ. മാത്യു മാടപ്പള്ളിക്കുന്നേലിനെ മാനന്തവാടി രൂപതാദ്ധ്യക്ഷന്‍ മാര്‍ ജോസ്‌ പൊരുന്നേടം നിയമിച്ചു. രൂപതാവികാരി ജനറാളായിരുന്ന മോണ്‍. ജോര്‍ജ്‌ മൂലയില്‍ ആരോഗ്യപരമായ കാരണങ്ങളാല്‍ വിരമിക്കുന്ന ഒഴിവിലേയ്ക്കാണ്‌ ബഹു.മാത്യു മാടപ്പള്ളിക്കുന്നേല്‍ നിയമിതനായത്‌. മണിമൂളിയില്‍ അസി.വികാരിയായും ആറാട്ടുതറ, ഏലപ്പീടിക എന്നിവിടങ്ങളില്‍ വികാരിയായും മാനന്തവാടി രൂപത മൈനര്‍ സെമിനാരിയില്‍ വൈസ്‌ റെക്ടറായും ജോര്‍ദ്ദാനിയ, സെമിനാരി വില്ല എന്നീ എസ്റ്റേറ്റുകളില്‍ മാനേജരായും ദ്വാരക പാസ്റ്ററല്‍ സെണ്റ്റര്‍ ഡയറക്ടറായും രൂപതാ കുടുംബ പ്രേക്ഷിതത്വത്തിണ്റ്റെ ഡയറക്ടറായും അദ്ദേഹം സേവനമനുഷിഠിച്ചിട്ടുണ്ട്‌. റോമിലെ ഹോളി ക്രോസ്‌ യൂണിവേഴ്സിറ്റിയില്‍ നിന്നും കാനന്‍ നിയമത്തില്‍ ഡോക്ട്രറേറ്റും സഭാ അഡ്മിനിസ്ട്രേഷനില്‍ ഡിപ്ളോമയും അച്ചന്‍ കരസ്ഥമാക്കിയിട്ടുണ്ട്‌. ദ്വാരക സെണ്റ്റ്‌ അല്‍ഫോന്‍സാ പള്ളി ഇടവകാംഗമാണ്‌.