മോണ്‍. ജോസഫ്‌ മറ്റത്തിണ്റ്റെ സേവനം അമൂല്യം: മാര്‍ ജോസഫ്‌ കല്ലറങ്ങാട്ട്‌

പാലാ രൂപതയ്ക്കും സഭയ്ക്കും മറ്റത്തിലച്ചന്‍ സമര്‍പ്പിച്ച സേവനം അതുല്യവും അമൂല്യവുമാണെന്ന്‌ മാര്‍ ജോസഫ്‌ കല്ലറങ്ങാട്ട്. മുന്‍ വികാരി ജനറാള്‍ മോണ്‍. ജോസഫ്‌ മറ്റം അനുസ്മരണ സമ്മേളനത്തില്‍ അധ്യക്ഷത വഹിച്ചു പ്രസംഗിക്കുകയായിരുന്നു ബിഷപ്‌. മെച്ചപ്പെട്ടതും സമര്‍ഥവുമായ നേതൃത്വത്തിനുടമയായിരുന്നു മറ്റത്തിലച്ചന്‍. സഭയ്ക്കു ഹൃദയം നല്‍കുകയും എല്ലാ രംഗങ്ങളിലും ഹൃദയപൂര്‍വം പ്രവര്‍ത്തിക്കുകയും ചെയ്ത മാതൃകാ വൈദികനായിരുന്നു മോണ്‍. ജോസഫ്‌ മറ്റം എന്നും മാര്‍ കല്ലറങ്ങാട്ട്‌ വ്യക്തമാക്കി. ആഴമാര്‍ന്ന ചിന്തയുടെയും തിളക്കമാര്‍ന്ന വ്യക്തിത്വത്തിണ്റ്റെയും ഉടമയായിരുന്ന മറ്റത്തിലച്ചണ്റ്റെ ഓര്‍മ കാലങ്ങളോളം നിലനില്‍ക്കുമെന്നും മാര്‍ ജോസഫ്‌ കല്ലറങ്ങാട്ട്‌ പറഞ്ഞു. മറ്റത്തിലച്ചന്‍ നല്ല വൈദികനായിരുന്നു എന്ന്‌ അനുസ്മരണ പ്രഭാഷണത്തില്‍ മാര്‍ ജോസഫ്‌ പള്ളിക്കാപറമ്പില്‍ പറഞ്ഞു. പൌരോഹിത്യത്തിണ്റ്റെ വിശുദ്ധി കാത്തുസൂക്ഷിച്ച അനുകരണനീയനായ വൈദികനായിരുന്നു മറ്റത്തിലച്ചനെന്ന്‌ കെ.എം. മാണി എംഎല്‍എ ഓര്‍മിച്ചു. മുനിസിപ്പല്‍ ചെയര്‍മാന്‍ കുര്യാക്കോസ്‌ പടവന്‍, ദീപിക ചീഫ്‌ എഡിറ്റര്‍ ഫാ. അലക്സാണ്ടര്‍ പൈകട സിഎംഐ, ഡോ. എ.ടി. ദേവസ്യ, റവ. ഡോ. അലക്സ്‌ കോഴിക്കോട്ട്‌, ജോണ്‍ കച്ചിറമറ്റം, സിസ്റ്റര്‍ ജെസി മരിയ, ഫാ. ജോര്‍ജ്‌ മുളങ്ങാട്ടില്‍ എന്നിവര്‍ പ്രസംഗിച്ചു. മോണ്‍. ജോര്‍ജ്‌ ചൂരക്കാട്ട്‌ സ്വാഗതവും സാബു ഡി. മാത്യു നന്ദിയും പറഞ്ഞു.