വിശ്വാസികളെ സ്വര്‍ഗോന്‍മുഖരാക്കുന്ന ദൈവഭവനമാണ്‌ ദേവാലയങ്ങള്‍: മാര്‍ ജോസഫ്‌ കല്ലറങ്ങാട്ട്‌

വിശ്വാസികളെ സ്വര്‍ഗോന്‍മുഖരായി വളര്‍ത്തുന്ന ദൈവഭവനമാണ്‌ ദേവാലയമെന്ന്‌ പാലാ ബിഷപ്‌ മാര്‍ ജോസഫ്‌ കല്ലറങ്ങാട്ട്‌. പുതുതായി നിര്‍മിച്ച വാലാച്ചിറ സെണ്റ്റ്‌ സെബാസ്റ്റ്യന്‍സ്‌ പള്ളിയുടെ വെഞ്ചരിപ്പ്‌ നിര്‍വഹിച്ച്‌ ദിവ്യബലിയില്‍ പ്രസംഗിക്കുകയായിരുന്നു ബിഷപ്‌. ദേവാലയത്തോടുള്ള ചേര്‍ന്നുള്ള വൈദികമന്ദിരത്തിണ്റ്റെ വെഞ്ചരിപ്പ്‌ ബിഷപ്‌ മാര്‍ ജോസഫ്‌ പള്ളിക്കാപറമ്പില്‍ നിര്‍വഹിച്ചു. തിരുകര്‍മങ്ങളില്‍ വികാരി ഫാ.മൈക്കിള്‍ ചീരാംകുഴി, ഫാ.കുര്യാക്കോസ്‌ നരിതൂക്കില്‍, ഫാ.ഏബ്രഹാം പുരയിടത്തില്‍ എന്നിവര്‍ സഹകാര്‍മികരായി. വികാരി ഫാ.മൈക്കിള്‍ ചീരാംകുഴിയുടെ നേതൃത്വത്തില്‍ രണ്ടുവര്‍ഷംകൊണ്ടാണ്‌ ഗോതിക്‌ മാതൃകയില്‍ ദേവാലായം പൂര്‍ത്തിയാക്കിയത്‌.