ഇടവക ദൈവാലയം കൂട്ടായ്മയുടെ പ്രതീകം: മാര്‍ ജോസഫ്‌ പെരുന്തോട്ടം

ഇടവക ദൈവാലയം ക്രസ്തീയ കൂട്ടായമയുടെ പ്രതീകവും സ്നേഹത്തിണ്റ്റ പ്രകാശനവുമാണെന്ന്‌ ആര്‍ച്ച്‌ ബിഷപ്‌ മാര്‍ ജോസഫ്‌ പെരുന്തോട്ടം. വിപുലീകരിച്ച ചെത്തിപ്പുഴ തിരുഹൃദയ പള്ളിയില്‍ ഔദ്യോഗിക പ്രവേശനത്തിന്‌ ശേഷം നടന്ന സമൂഹബലിമധ്യേ സന്ദേശം നല്‍കുകയായിരുന്നു ആര്‍ച്ച്‌ ബിഷപ്‌. ദൈവാലയത്തില്‍ ദൈവസാന്നിധ്യം അനുഭവവേദ്യമായതിനാല്‍ ദൈവാലയം പരിശുദ്ധമാണ്‌. ദൈവേഷ്ടത്തിന്‌ നിരക്കാത്ത കാര്യങ്ങള്‍ നമ്മില്‍ സംഭവിക്കാന്‍ പാടില്ലെന്നും മാര്‍ പെരുന്തോട്ടം ഉദ്ബോധിപ്പിച്ചു. പുതിയതായി നിര്‍മിച്ച കുരിശടിയുടെ വെഞ്ചരിപ്പും മാര്‍ ജോസഫ്‌ പെരുന്തോട്ടം നിര്‍വഹിച്ചു. തുടര്‍ന്ന്‌ നടന്ന ഇടവക ദിന സമ്മേളനത്തില്‍ വികാരി ഫാ. ജെയിംസ്‌ തയ്യില്‍ അധ്യക്ഷത വഹിച്ചു.